Gujarati News

Gujarati News

News of Saturday, 16th June 2018

એરટેલના યુઝર્સ માટે ધમાકેદાર ખબર, માત્ર ૯૯ રૂપિયાના પ્લાનમાં મળશે વધુ ડેટા

એરટેલના અપગ્રેડ કર્યો પ્લાન : ૨૮ દિવસની હશે વેલિડિટી

ટેલિકોમ કંપની રિલાયન્સ જિયોને ટક્કર આપવા માટે એરટેલ પાછલા ઘણા મહિનાઓથી પોતાના પ્લાન્સની કિંમતોમાં ઘટાડો કરવાની સાથે પેકસને અપગ્રેડ કરી રહ્યું છે. હવે એરટેલએ પોતાના ૯૯ રૂપિયાના પ્રીપેઈડ પ્લાનને અપગ્રેડ કર્યો છે. એરટેલ ૯૯ રૂપિયા વાળા પ્લાનમાં અત્યાર સુધી યુઝર્સને ૧ જીબી ડેટા મળતો હતો. પંરંતુ હવે કંપનીએ આ ડેટાને વધારી દીધો છે.

એરટેલએ પોતાના પ્લાનને સમગ્ર રીતે ડબલ કરતા એક જીબી ડેટાને વધારી દીધો છે. આ સાથે જ યુઝર્સને અનલિમિટેડ કોલિંગ, ૧૦૦ એસએમએસ પણ મફત આપવામાં આવશે. એસએમએસનો ઉપયોગ યુઝર્સ રોજ કરી શકશે.

કંપનીના આ પ્લાનની ખાસ વાત એ છે કે તેની વેલિડિટી ખૂબ વધારે છે. એરટેલ માત્ર ૯૯ રૂપિયામાં ૨૮ દિવસની વેલિડિટી આપી રહ્યું છે. પ્લાનમાં ડેટા સાથે યુઝરને ૨૮૦૦ એસએમએસ આપવામાં આવશે. આ સાથે જ ૨ જીબી ડેટા ૨૮ દિવસ માટે હશે. તો મહિના સુધી ગમે તેટલી વાત કરી શકો છો. આ પહેલા એરટેલએ૧૪૯ રૂપિયાના પ્લાનને અપગ્રેડ કર્યો હતો. તો જિયોનો પણ એક પ્લાન તેની આસપાસ આવે છે.

જિયોના પ્લાનની વાત કરીએ તો તે ૯૮ રૂપિયાનો છે. આ પ્લાસમાં જિયો યુઝર્સને ૨ જીબી ૪હ્વક ડેટા મળે છે. ડેટા સાથે યુઝર્સને અનલિમિટેડ કોલિંગ પણ મળે છે. પરંતુ જિયો ૨૮ દિવસ માટે માત્ર ૩૦૦ એસએમએસની સુવિધા આપે છે. આ પ્લાનની વેલિડિટી ૨૮ દિવસોની છે.

(10:14 am IST)
  • મુંબઈમાં આજે સવારથી બહારના વિસ્તારોમાં વાદળાઓની જબ્બર જમાવટ છે : વરસાદ તૂટી પડે તેવો માહોલ સર્જાયો છે access_time 11:28 am IST

  • નિતી આયોગની બેઠકમાં ભાગ લેવા માટે આજે ઘણાં રાજ્યોના મુખ્યમંત્રીઓ દિલ્હી પહોંચ્યા છે. આ દરમિયાન બંગાળના મુખ્યમંત્રી મમતા બેનરજી સહિત કર્ણાટકના મુખ્યમંત્રી કુમાર સ્વામી, તામિલનાડુના ચંદ્રાબાબુ નાયડુ અને કેરળના મુખ્યમંત્રી પી. વિજયને ઉપરાજ્યપાલ અનિલ બેજલને પત્ર લખીને દિલ્લીના મુખ્યમંત્રી અરવિંદ કેજરીવાલને મળવાની પરવાનગી માગી હતી, જેઓ ઘણા દિવસોથી ઉપરાજ્યપાલ નિવાસસ્થાને ધરણા પર બેઠા છે. આ બાબતે ઉપરાજ્યપાલ અનિલભાઈ બેજલે આ ચારેય મુખ્યમંત્રીઓને પરવાનગી આપી ન હતી, જેના લીધે મમતા બેનરજી સહિતના ચારેય મુખ્યમંત્રીઓ અરવિંદ કેજરીવાલના ઘરે પહોંચી, તેમના પરિવારજનોને મળ્યા હતા. આ સમયે મમતા બેનર્જીએ જણાવ્યું હતું કે આ ઘટના સંવેધાનિક સંકટ સમાન છે. આ બાબત પછી રાષ્ટ્રીય રાજકારણમાં જબરજસ્ત ગરમાવો જોવા મળી રહ્યો છે. access_time 11:04 pm IST

  • દિલ્હીના મુખ્યમંત્રી અરવિંદ કેજરીવાલ પોતાના ત્રણ કેબિનેટ મંત્રીઓ સાથે છ દિવસોથી એલજીના ઘરે ધરણા પર બેઠા છે. દિલ્હીના ભાજપ સાંસદ પ્રવેશ સાહિબ સિંહે કેજરીવાલ પર હુમલો બોલતા કહ્યુ કે કેજરીવાલ મનીષ સિસોદિયા, સત્યેન્દ્ર જૈનને ભૂખ હડતાળ પર બેસાડી તેમની સામે આલુના પરોઠા ખાય છે. તેમણે વ્યંગ કરતા કહ્યુ છે કે કેજરીવાલને બેશરમ નેતાનો ઓસ્કર એવોર્ડ આપવો જોઈએ. access_time 1:02 am IST