Gujarati News

મુંબઈ : મુંબઈ હાઇકોર્ટે દિવાળી તહેવારો દરમિયાન બે જૈન મંદિરો 5 દિવસ માટે ખુલ્લા રાખવાની મંજૂરી આપી છે.જે TAKL જ્ઞાન મંદિર ટ્રસ્ટ તથા MRC ટ્રસ્ટ સંચાલિત બે જૈન મંદિરોને  આપવામાં આવી છે.જેઓએ રાજ્ય સરકાર પાસે માંગેલી મંજુરીનો કોઈ જવાબ નહીં મળતા  મુંબઈ હાઇકોર્ટ સમક્ષ દાદ માંગી હતી.

નામદાર કોર્ટએ જણાવ્યું હતું કે આ આદેશ તમામ ધાર્મિક સ્થળોને લાગુ પડતો નથી. આ માટે મંજૂરી લેવી ફરજીયાત છે.  જૈન ટ્રસ્ટે કોવિદ -19 ના નિયમોનું પાલન કરવાની ખાતરી આપી હોવાથી મંજૂરી આપવામાં આવી છે.તેવું બી.એન્ડ બી.દ્વારા જાણવા મળે છે.