Gujarati News

Gujarati News

News of Friday, 6th September 2019

આજે પૂર્વ રાષ્‍ટ્રપતિ ડો. સર્વપલ્લી રાધાકૃષ્‍ણનનો જન્મદિનઃ શિક્ષક દિવસની ઉજવણીઃ જીવન માટે પ્રેરણા આપતા ૧૦ અમુલ્ય વિચારો

નવી દિલ્હીઃ ભારતના પૂર્વ રાષ્ટ્રપતિ ડો. સર્વપલ્લી રાધાકૃષ્ણનનની જન્મજયંતી નિમિત્તે દર વર્ષે દેશમાં 5 સપ્ટેમ્બરને 'શિક્ષક દિવસ' તરીકે ઉજવવામાં આવે છે. રાધાકૃષ્ણન ભારતીય સંસ્કૃતિના વાહક, પ્રખ્યાત શિક્ષણશાસ્ત્રી અને મહાન દાર્શનિક હતા. તેઓ સમગ્ર વિશ્વને એક યુનિવર્સિટી માનતા હતા. તેમનું માનવું હતું કે, જે જગ્યાએથી પણ જે કંઈ શિખવા મળે તેને જીવનમાં ઉતારી લેવું જોઈએ. આવો, આજે આપણા પૂર્વ રાષ્ટ્રપતિના જીવન માટે પ્રેરણા આપતા આવા જ 10 અમૂલ્ય વિચાર જાણીએ.

ડો. સર્વપલ્લી રાધાકૃષ્ણનના 10 વિચાર...

1. ભગવાનની પૂજા થતી નથી, પરંતુ એ લોકોની પૂજા થાયછે જે તેમના નામ પર બોલાવાનો દાવો કરે છે.

 2. શિક્ષક એ નથી જે વિદ્યાર્થીના મગજમાં હકીકતોને પરાણે ભરી દે, પરંતુ વાસ્તવિક શિક્ષક તો તે છે જે તેને આવતીકાલના પડકારો માટે તૈયાર કરે છે.

3. શિક્ષણ દ્વારા જ માનવીના મગજનો સદુપયોગ કરી શકાય છે. આથી, વિસ્વને એક એકમ માનીને શિક્ષણની વ્યવસ્થા કરવી જોઈએ.

4. પુસ્તકો વાંચવાથી આપણને એકાંતમાં વિચાર કરવાની ટેવ અને સાચો આનંદ પ્રાપ્ત થાય છે.

5. કોઈ પણ આઝાદી ત્યાં સુધી સાચી ન કહી શકાય, જ્યાં સુધી તેને મેળવનારા લોકોને પોતાનાં વિચારોને વ્યક્ત કરવાની આઝાદી ન મળે.

6. પુસ્તક એ માધ્યમ છે, જેના દ્વારા વિવિધ સંસ્કૃતિઓ વચ્ચે સેતુનું નિર્માણ કરી શકાય છે.

7. શિક્ષણનું પરિણામ એક મુક્ત રચનાત્મક વ્યક્તિ હોવું જોઈએ, જે ઐતિહાસિક પરિસ્થિતિઓ અને કુદરતી આપત્તિઓ સામે લડી શકે.

8. જ્ઞાનના માધ્યમથી આપણને શક્તિ મળે છે, પ્રેમ દ્વારા આપણને પરિપૂર્ણતા મળે છે.

9. આપણે ટેક્નીકલ જ્ઞાન ઉપરાંત આત્માની મહાનતાને પ્રાપ્ત કરવી પણ જરૂરી છે.

10. શાંતિ રાજકીય કે આર્થિક પરિવર્તનથી આવી શક્તી નથી, પરંતુ માનવીય સ્વભાવમાં પરિવર્તન લાવવાથી આવી શકે છે.

(12:00 am IST)
  • PASS ના કન્વીનર અને કોંગ્રેસ સ્ટાર પ્રચારક હાર્દિક પટેલ રવિવારે મોરબીના ગાળા ગામે કાચરોલા પરિવારના આંગણે રાંદલ ઉત્સવમાં હાજરી આપવા આવશે અને ત્યાર બાદ પાસ કાર્યકર્તાઓ અને આગેવાનોને સાથે મોરબી ખાતે તારીખ ૮-૯-૨૦૧૯ ને રવિવારના રોજ મુલાકાત કરશે તેમ જાણવા મળે છે. access_time 4:08 pm IST

  • ધારાસભામાં પોર્ન વિડિઓ જોવો એ કોઈ દેશદ્રોહ સમાન પ્રવૃત્તિ નથી : કર્ણાટક વિધાનસભામાં પોર્ન વિડિઓ જોતા ઝડપાઇ ગયેલા ધારાસભ્યને ભાજપ સરકારે ડેપ્યુટી ચીફ મિનિસ્ટર બનાવ્યા : કોંગ્રેસે વિરોધ નોંધાવતા કાયદા મંત્રી મધુસ્વામીએ બાલિશ બચાવ કર્યો access_time 1:02 pm IST

  • વિચિત્ર સંયોગ - દીકરો જે જેલમાં હતો ત્યાજ પીતાને પણ રાખવામાં આવ્યા : પૂર્વ નાણાં પ્રધાન પી. ચિદમ્બરમનું નવું ઠેકાણું, એશિયાની સૌથી મોટી જેલ તરીકે ઓળખાય છે, તે તિહાર જેલ છે જ્યાં તેમણે ગુરુવારે પ્રથમ રાત વિતાવી હતી અને શુક્રવારે તેના દિવસની શરૂઆત હળવા નાસ્તાથી કરી હતી. આ એક વિચિત્ર સંયોગ જ કહેવાય કે તેઓ જે જેલ નંબર 7 માં છે ત્યાજ તેમના પુત્ર કાર્તીને ગયા વર્ષે 12 દિવસ આઈએનએક્સ મીડિયા કેસમાં રાખવામાં આવ્યા હતા. અધિકારીઓએ જણાવ્યું હતું કે જેલ અધિકારીઓને એવો અંદેશો હતો જ કે કોંગ્રેસના વરિષ્ઠ નેતા સામે ચાલી રહેલા કોર્ટના કેસોને ધ્યાનમાં રાખીને તેઓને અહીં લાવવામાં આવી શકે તેમ હોવાથી જેલની તૈયારી વહેલા જ કરી રાખવામાં આવી હતી. access_time 3:52 pm IST