Gujarati News

Gujarati News

News of Thursday, 3rd December 2020

મથુરામાં કૃષ્ણ મંદિર માટે 3000 જેટલા વૃક્ષોનો સોથ વાળી શકાય નહીં : કૃષ્ણ મંદિરને ફરતા 25 કિલોમીટરના વિસ્તારમાં આવેલા 2940 વૃક્ષો કાપવા દેવા યુ.પી.સરકારે કરેલી અરજ સુપ્રીમ કોર્ટે નામંજૂર કરી

ન્યુદિલ્હી : મથુરામાં આવેલા કૃષ્ણ મંદિરને ફરતા વિસ્તારમાં રોડ ઉપર ઉભેલા 2940 વૃક્ષો કાપવા દેવા માટે ઉત્તર પ્રદેશ સરકારે સુપ્રીમ કોર્ટમાં અરજ કરી હતી.જેના જવાબમાં ચીફ જસ્ટિસ એસ.એ.બોબડે એ જણાવ્યું હતું કે  કૃષ્ણ મંદિર માટે 3000 જેટલા વૃક્ષોનો સોથ વાળી  શકાય નહીં .તેનાથી પર્યાવરણને ભારે નુકશાન થઇ શકે છે.

ઉત્તર પ્રદેશના પબ્લિક વર્કસ ડિપાર્ટમેન્ટે કરેલી અરજીમાં આ માટે 138.41 કરોડ રૂપિયાનું વળતર ચુકવવાની તૈયારી બતાવી હતી.તથા જેટલા વૃક્ષો કપાશે તેનાથી વધુ વૃક્ષો વાવવાની ખાતરી આપી હતી પરંતુ નામદાર ચીફ જસ્ટિસની બેન્ચે  જણાવ્યું હતું કે નવા વૃક્ષો વાવવા માટે સો વર્ષ જુના વૃક્ષો કાપી શકાય નહીં .વૃક્ષો દ્વારા અપાતા ઓક્સિજનની કિંમત રૂપિયા પૈસામાં માપી શકાય નહીં .

નામદાર કોર્ટે બીજી કોઈ રીતે મૂલ્યાંકન કરવા 4 સપ્તાહનો સમય આપ્યો હતો તેવું બી.એન્ડ બી.દ્વારા જાણવા મળે છે. 

(12:00 am IST)
  • ઉત્તર ભારત માં એક રોડ અકસ્માતમાં ભારતીય લશ્કરના ચાર જવાનોના મૃત્યુ થયાનું જાણવા મળે છે access_time 12:05 am IST

  • રાજસ્થાનની રાજધાની જયપુરમાં રામબાગ પેલેસના અધિપતિ અને દૌસાના પૂર્વ સાંસદ મહારાજ પૃથ્વીરાજનું બુધવારે મોડી સાંજે કોરોનાને કારણે અવસાન થતાં ઘેરા શોકની લાગણી પ્રસરી ગઇ છે. રાજસ્થાનમાં પર્યટનના વિકાસ માટે તેમનું મોટું યોગદાન હતું. access_time 12:23 am IST

  • સજા પામેલા નેતાઓ ઉપર આજીવન પ્રતિબંધ લાદતા નહિં : કેન્દ્રની એફીડેવીટ : જે રાજકીય નેતાઓને જેલ સજા થઈ હોય તેમના ઉપર આજીવન ચૂંટણી લડવા ઉપર પ્રતિબંધ લાદવાની જાગવાઈ સામે વિરોધ દર્શાવતી એફીડેવીટ મોદી સરકારે સુપ્રિમ કોર્ટમાં દાખલ કરી છે access_time 4:06 pm IST