Gujarati News

Gujarati News

News of Wednesday, 27th March 2019

ખેતર પર વીજળી પડતાં ૩૭.૫૦ કરોડ રૂપિયાનાં પક્ષીઓ મરી ગયાં

યુનાઇટેડ આરબ એમિરેટસની રાજધાની અબુધાબીના એક ફાર્મમાં સોમવારે વીજળી પડી હતી. આ વીજળીને કારણે ફાર્મમાં બનાવેલો પંખીઓ માટેનો શેડ બળીને ખાખ થઇ ગયો હતો. આ શેડમાં પચાસ અત્યંત દુર્લભ પ્રજાતિનાં ૫૦ પંખીઓ હતાં. આ પંખીઓ વિવિધ પ્રકારની રેસિંગ સ્પર્ધામાં ભાગ લેવા માટે ટ્રેઇન થયાં હતાં. એક સ્થાનિક અખબારને આપેલા ઇન્ટરવ્યુમાં આ ફાર્મના માલિક ખલફન બિન બુટ્ટીનું કહેવું હતું કે તેનાં આ ચુનંદા પ૦ પક્ષીઓ ખરીદવા માટે તેણે ૨૦ મિલ્યન દિરહામ એટલે કે લગભગ ૩૭.૫૦ કરોડ રૂપિયા ખર્ચ્યા હતા. માલિકનું કહેવું છે કે આ પંખીઓ તેના માટે અમૂલ્ય હતાં, કેમ કે એ બધાં વૈશ્વિક સ્તરે યોજાતી સ્પર્ધાઓની ટ્રોફી જીતી આવેલાં હતાં.

(11:54 am IST)
  • અમદાવાદ કોર્પોરેશને બીએસએનએલના રાજયના હેડકવાર્ટર સહિત ૩ મિલ્કતો સીલ કરી : ૩ કરોડ ઉપરનો ટેક્ષ ન ભરાતા : બીએસએનએલનું સીજી રોડ સ્થિત રાજયનું હેડ કવાર્ટર, ગુલાબ ટેકરા સ્થીત અમદાવાદ શહેરનું મુખ્યાલય અને નારણપુરા સ્થિત અન્ય એક મલ્કિતને તાળા મારતી અમદાવાદ કોર્પોરેશન access_time 3:52 pm IST

  • રાજકોટમાં ૩૯.૩ ડિગ્રી : કાલે અને શુક્રવારે પારો ૪૨ ડિગ્રીની નજીક પહોંચી જશે : શહેરમાં તાપ સાથે ૧૪ કિ.મી.ની ઝડપે પવન ફૂંકાઈ રહ્યા છે : કાલે ગુરૂવારે અને શુક્રવારે ગરમીનો પારો ૪૨ ડિગ્રીએ પહોંચી જવાની પૂરી સંભાવના : ગરમીનો દોર જારી રહેશે access_time 3:45 pm IST

  • રાજકોટ મહાનગરપાલિકાએ ઇતિહાસ સર્જ્યો :મિલકત વેરા વસુલાતનો ટાર્ગેટ કર્યો હાંસલ :225 કરોડની વસુલાતનો લક્ષ્યાંક કર્યો પૂર્ણ :46 વર્ષના ઇતિહાસમાં સૌથી વધુ ત્રણ લાખ મિલકત ધારકોએ ટેક્સ ભર્યો :હવે વધુ 21 કરોડ વસૂલી રિવાઇઝડ ટાર્ગેટ પણ હાંસલ કરવા કમિશનર બંછાનીધી પાનીનો પ્રયાસ access_time 11:08 pm IST