Gujarati News

Gujarati News

News of Monday, 15th October 2018

સાઉદી પત્રકારની એજન્ટોએ હત્યા કરીઃ સાઉદીમાં યોજાનાર એક મહાસંમેલનનો બ્રિટન-અમેરિકા બહિષ્કાર કરશેઃ ધમાલ

લંડન તા.૧૫: બ્રિટન અને અમેરિકા સાઉદી પત્રકાર જમાલ ખાશોગી ગુમ થયા પછી સાઉદી અરબમાં થનાર એક મોટા સંમેલનનો બહિષ્કાર કરવા અંગે વિચારી રહયા છે. બીબીસી અનુસાર, સાઉદી સરકારના ટીકાકાર ખાશીગી ઇસ્તંબુલમાં સાઉદી અરબના વાણિજય દુતાવાસમાં દાખલ થયા પછી બે ઓકટોબરે ગુમ થઇ ગયા હતા. જેના લીધે રીયાધ અને અંકારા વચ્ચે તણાવ વધી ગયો છે.

ઇસ્તંબુલમાં અધિકારીઓનું માનવું છે કે સાઉદી એજન્ટોએ ખાશોગીની હત્યા કરી નાખી છે. સાઉદી અરબે આરોપોને ખોટા જણાવ્યા છે.

સુત્રોએ બીબીસીને જણાવ્યું છે કે અમેરિકાના નાણામંત્રી સ્ટીવ મનુચીન અને બ્રિટનના આંતરરાષ્ટ્રીય વેપાર મંત્રી લીયામ ફોકસ સંમેલનમાં નહીં જોડાય. આ સંમેલનના યજમાન સાઉદીના પિં્રન્સ મોહમ્મદ બિન સાલેમ છે. જેમણે પોતાના સુધારાવાદી એજંડાના પ્રચાર માટે તેનું આયોજન કર્યું છે.

બ્રિટનના આંતરરાષ્ટ્રીય વ્યાપાર વિભાગના એક પ્રવકતાએ કહયું કે ફોકસની યાત્રા ઉપર અંતિમ મહોર નથી લાગી.

બીબીસીએ કહયું કે સાઉદી એજન્ટો દ્વારા ખાશોગીની હત્યાની પુષ્ટિ થઇ જાય તો તેની ટીકા કરતું એક સંયુકત બયાન બહાર પાડવા અંગે પણ અમેરિકા અને યુરોપના રાજકારણીઓ વચ્ચે ચર્ચા થઇ હતી.

(3:36 pm IST)
  • કચ્છના નખત્રાણાના નેત્રા ગામે સોશ્યલ મીડિયામાં કોમેન્ટ મુદ્દે બે જૂથ વચ્ચે બઘડાટી :એક જૂથના લોકોએ અન્ય જૂથના યૂવકો પર હુમલો કરતા મામલો બીચક્યો: નેત્રા ગામે ચુસ્ત પોલિસ બંદોબસ્ત ગોઠવાયો:.હાલમાં બંન્ને સમાજના લોકો મોટી સંખ્યામાં નેત્રા ગામે સાંજે મારામારી થયા બાદ ફરી બન્ને જુથ્થના લોકો એકઠા થતા ભારેલા અગ્નિ જેવી સ્થિતી access_time 12:41 am IST

  • કુંભમેળા પહેલા અલ્હાબાદનું નામ બદલીને પ્રયાગરાજ કરાશે :ઉત્તરપ્રદેશમાં શહેરોના નામ પરિવર્તનનો સિલસિલો યથાવત્ : કુંભમેળાના આયોજન માટેની બેઠક બાદ મુખ્યપ્રધાન યોગી આદિત્યનાથે ત્રિવેણી સંગમ નગરી અલ્હાબાદનું નામ બદલીને પ્રયાગરાજ કરવાનું એલાન કર્યું:સંતોએ અલ્હાબાદનું નામ પ્રયાગરાજ કરવાનું સૂચન આપ્યું હતું. access_time 12:25 am IST

  • વલસાડ:સેલવાસના એલિગેન્ટ કાસ્ટિંગ નામની કંપનીની ભઠ્ઠીમાં ધડાકો:12 કામદારોને ઇજાગ્રસ્ત:સારવાર માટે વાપી અને સેલવાસની હોસ્પિટલમાં ખસેડાયા:ધડાકાનું કારણ અકબંધ access_time 5:57 pm IST