Gujarati News

Gujarati News

News of Monday, 27th July 2020

સાપુતારા માલેગામના ઘાટ માર્ગમાં રાજકોટના દંપતીને અકસ્માત : પત્નીનું મોત : પતિ જીતેશ મેઘાણી ગંભીર

કારનો સ્ટેરીંગ પરનો કાબુ ગુમાવતા ગંભીર અકસ્માત સર્જાયો

સાપુતારા માલેગામના ઘાટ માર્ગમાં રાજકોટથી સાપુતારા સાહેલગાહે આવેલ દંપતિ સાપુતારાથી પરત ફરતા પોતાની કારનો સ્ટેરીંગ પરનો કાબુ ગુમાવતા ગંભીર અકસ્માત સર્જાયો હતો. જેમાં મહિલાનું મોત નીપજયું હતું.

મળતી માહિતી મુજબ રાજકોટથી ફરવા આવેલ દંપતિને સાપુતારાના ઘાટમાં અકસ્માત નડતા એક મહિલાનું મોત નીપજ્યું હતું રાજકોટથી ફરવા આવેલ દંપતિ જે પોતાની આઈ ટેન ગાડી નંબર gj-03-HR-3057 નો સ્ટેરીંગ ઉપરનો પરનો કાબુ ગુમાવતા માર્ગમાં આવેલ સંરક્ષણ દીવાલ સાથે ધડાકાભેર ભટકાતા ઘટનાસ્થળે પત્નીનું પ્રાણ પંખેરૂ ઉડી ગયું હતું જ્યારે તેમનો પતિ જીતેશ વાલજી મેઘાણી ( ઉ,વ, 42 ) (  રહે રાજકોટ) ને ગંભીર ઇજા પહોંચતા સાપુતારા પ્રાથમિક આરોગ્ય કેન્દ્રમાં સારવાર અર્થે ખસેડાયા હતા.

 અકસ્માતમાં કારનો કચ્ચરઘાણ થઈ જવા પામ્યો હતો. ઘટના ની જાણ સાપુતારા પોલીસ સ્ટેશનમાં થતા પીએસઆઈ એમ.એલ.ડામોર સ્થળે પહોંચી જઈ મૃતક મહિલાની લાશને પીએમ માટે સામગાહન સામુહિક આરોગ્ય કેન્દ્રમાં મોકલી દઈ ગુનો નોંધી કાયદેસરની કાર્યવાહી હાથ ધરી હતી.

(11:43 pm IST)
  • દેશમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 48,931 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,36,018 કેસ થયા :4.84,053 એક્ટિવ કેસ :કુલ 9,18,734 દર્દીઓ રિકવર :વધુ 702 લોકોના મોત :મૃત્યુઆંક 32,810 થયો : મહારાષ્ટ્રમાં સૌથી વધુ 9431 કેસ : તામિલનાડુમાં નવા 6986 કેસ :દિલ્હીમાં વધુ 1075 કેસ : આંધ્રપ્રદેશમાં નવા 7627 કેસ: કર્ણાટકમાં નવા 5197 કેસ :ઉત્તર પ્રદેશમાં 3246 કેસ અને પશ્ચિમ બંગાળમાં વધુ 2341 કેસ :બિહારમાં 2605 નવા કેસ, રાજસ્થાનમાં 1132 કેસ અને આસામમાં 1142 નવા કેસ અને ઓરિસ્સામાં 1376 કેસ નોંધાયા access_time 12:43 am IST

  • રાજસ્થાનની રતનપુર બોર્ડર સીલ કરાઈ, રાજસ્થાનથી ગુજરાત તરફ અને ગુજરાતથી રાજસ્થાન તરફ જતા વાહનોને બોર્ડર પર રોકી દેવાયા, બોર્ડર સીલ કરતા વાહનચાલકો પારેશાન access_time 9:11 pm IST

  • દિલ્હીમાં કોરોના સંક્રમિતોની સંખ્યામાં ઘટાડો : કેજરીવાલ સરકારનો હવે આર્થિક એક્શન પ્લાન : છેલ્લા 4 માસથી બંધ હોટલો આવતા સપ્તાહથી ખુલ્લી મુકાય તેવી શક્યતા : હોટેલ રેસ્ટોરન્ટ એશોશિએશન સહીત જુદા જુદા ધંધાર્થી સંગઠનો સાથે વિચાર વિનિમય ચાલુ access_time 1:34 pm IST