Gujarati News

Gujarati News

News of Saturday, 17th November 2018

ગાંધીનગરમાં મનપા દ્વારા દબાણ હટાવ કામગીરી શરૂ કરવામાં આવી

ગાંધીનગર:શહેરમાં સરકારી જમીનો ઉપર મોટા પાયે દબાણો ઉભા થઈ ગયા છે ત્યારે કોર્પોરેશન દ્વારા ફરી દબાણ હટાવ ઝુંબેશ શરૂ કરવામાં આવી છે જે અંતર્ગત આજે સે-ર૪માં ઘર પાસે ઉભા કરવામાં આવેલા તાર ફેન્સીંગના દબાણોને હટાવવામાં આવ્યા હતા. સે-ર૪માં હાથ ધરાયેલી આ ઝુંબેશ આગામી દિવસોમાં અન્ય સેકટરોમાં પણ હાથ ધરવામાં આવનાર છે.  

રાજ્યના પાટનગર ગાંધીનગર શહેરમાં દિવાળીના તહેવારો પહેલા મોટા પાયે દબાણ હટાવ ઝુંબેશ શરૂ કરવામાં આવી હતી અને સે-ર૪માં ઉભા થયેલા મસમોટા પાકા દબાણોને તોડી પાડવામાં આવ્યા હતા. સતત એક મહિના સુધી ચાલેલી આ કામગીરીના કારણે વસાહતીઓમાં ફફડાટ ફેલાઈ ગયો હતો તો તેની સાથે શહેરમાં રહેણાંક વિસ્તારમાં ઉભી થયેલી કોમર્શિયલ પ્રવૃતિ ઉપર પણ લાલ આંખ કરવામાં આવી હતી અને આવા એકમોને સીલ કરવાનું શરૂ કરાયું હતું. 

(3:28 pm IST)
  • વડોદરા :પિતા-પુત્રની સાઉદી અરબમાં ધરપકડ : મક્કા મસ્જિદ બહાર રાષ્ટ્રધ્વજ સાથે ફોટો પડાવતા ધરપકડ : વડોદરાનાં ઇમ્તિયાઝ અલી સાઉદી પોલીસની કસ્ટડીમાં : ઇમ્તિયાઝ અલીનાં પુત્ર ઉઝેરને વહેલી સવારે કરાયો મુક્ત:સાઉદીમાં પિતા ઇમ્તિયાઝને છોડાવવા પુત્રનાં પ્રયાસો access_time 4:33 pm IST

  • નખત્રાણાના ઉગેડી નજીક ટ્રેલર અને બાઇક વચ્ચે અકસ્માત: એકનું મોત, એક ઘાયલ : ઇજાગ્રસ્તને સારવાર માટે હોસ્પિટલમાં ખસેડાયો access_time 12:38 pm IST

  • ગાંધીનગર :૧૦૦ MLD પાણી માટેના કરાર પર થશે હસ્તાક્ષર : મુખ્યમંત્રી રૂપાણીની અધ્ય્ક્ષતામાં સ્વર્ણિમ સંકુલ-૧માં કરાર અંગેના કાર્યક્રમનું આયોજન : જામનગર જોડિયામાં બનશે ૧૦૦ MLDનો પ્લાન્ટ : સૌરાષ્ટ્ર-કચ્છમાં પીવાના પાણીની સમસ્યા દૂર કરાશે : દરિયાના ખારા પાણીમાંથી મીઠું પાણી બનાવાશે access_time 12:41 pm IST