Gujarati News

Gujarati News

News of Friday, 14th August 2020

સુરતના ગોડાદરાની ખાડીમાં આવ્યું પૂરઃ નવનિર્મિત ઇમારતમાં 50થી વધુ લોકો ફસાયા

સુરતઃ ગોડાદરાની ખાડીમાં પૂર આવતાં રસ્તા પાણીમાં ગરકાવ થઈ ગયા છે. ઘાડીમાં પૂર ને કારણે પર્વત પાટિયા-ગોડાદરા રોડ વિસ્તારમાં નવનિર્મિત ઇમારતમાં 50થી વધુ લોકો ફસાયા હતા. ફસાયેલી વ્યક્તિએ સ્થાનિક કોર્પોરેટરને ફોન કરતાં તેમણે ફાયર વિભાગને જાણ કરી હતી અને તેઓ પણ ઘટનાસ્થળે પહોંચી ગયા હતા. આ પછી ફાયર વિભાગે રેસ્ક્યૂ હાથ ધર્યું હતું.

હાલ, નવનિર્મિત બિલ્ડિંગમાંથી 27 લોકોને બચાવી લેવામાં આવ્યા છે. ફાયર વિભાગના કર્મચારીઓએ જીવના જોખમે લોકોને બચાવ્યા હતા. 5થી 7 ફૂટ પાણીમાંથી લોકોને બહાર કાઢ્યા હતા. માનવ ચેન બનાવીને લોકોને બહાર કાઢવામાં આવ્યા હતા. ફાયરના અધિકારીએ જણાવ્યું હતું કે, હજુ 40થી વધુ લોકો અંદર ફસાયેલા છે. જોકે, તેઓ બહાર આવવાની ના પાડે છે. પરંતુ અમે તમેને સમજાવીને બહાર કાઢી રહ્યા છીએ.

(5:45 pm IST)
  • ભારતમાં કોરોનાનો કહેર યથાવત : છેલ્લા 24 કલાકમાં નવા 64,142 કેસ નોંધાયા: વધુ 1004 લોકોના મોત : રાત્રે 11-30 વાગ્યા સુધીમાં દેશમાં કોરોનાના કુલ કેસની સંખ્યા 24, 59, 613 થઇ : 6,60,348 એક્ટીવ કેસ : વધુ 54,776 દર્દીઓ સાજા થતા કુલ 17,50,636 દર્દીઓ રિકવર થયા: દેશમાં રિકવરી રેઈટ 71 ટકાએ પહોંચ્યો : કુલ મૃત્યુઆંક 48,144 થયો: access_time 12:55 am IST

  • 14 ઓગસ્ટ : આજ પાકિસ્તાનનો સ્વાતંત્ર્ય દિન : 1947 ની સાલમાં ભારતમાં બ્રિટિશ રાજ્યનો અંત આવ્યો : અખંડ ભારતના ભાગલા પડ્યા : ભારત અને પાકિસ્તાન એમ બે નવા રાષ્ટ્રો અસ્તિત્વમાં આવ્યા : પાકિસ્તાનની સાથે પૂર્વ પાકિસ્તાન પણ જોડાયેલું હતું જે 1971 ની સાલમાં આઝાદ થતા બાંગ્લાદેશ અસ્તિત્વમાં આવ્યું : આવતીકાલ 15 ઓગસ્ટના રોજ ભારતનો 74 મો સ્વાતંત્ર્ય દિવસ : આઝાદી અમર રહો access_time 11:19 am IST

  • મહારાષ્ટ્રની જેલોમાં આજ સુધીમાં ૧૦૦૦ કેદીઓ અને ર૯૨ જેલ સ્ટાફને કોરોના વળગ્યો છે. છ કેદોઓના મોત થયા access_time 11:50 am IST