Gujarati News

આણંદના લાંભવેલ પાસે આવેલી જલારામ ઇન્ટરનેશનલ સ્કૂલ પાસે વી પટેલ આંગડીયા પેઢીમાં લૂંટની ઘટના બની છે. આંગડીયા પેઢીના કર્મચારી પાસે થી અંદાજીત 46 લાખની લૂંટ કરી લૂંટારુઓ ફરાર થઇ ગયા. જે અંગે પોલીસને જાણ કરતા પોલીસ નોકાફલો ઘટના સ્થળે આવી પહોચ્યો હતો. સીસીટીવીની મદદથી આરોપીઓને પકડવા ચક્રો ગતિમાન કર્યાં છે.

  મળતી વિગત મુજબ આંગડીયા પેઢીના પિતા અને પુત્ર ઘરેથી બાઇક પર આંગડીયા પેઢીની રોકડ લઇને નીકળ્યા હતા. ત્યારે બાઇક પર આવેલા અજાણ્યા લૂંટારૂઓએ બાઇક પરથી નાંણા ભરેલો થેલો લઈને ફરાર થઇ ગયા હતા. ઘટનાને પગલે જિલ્લા એલસીબી અને સ્થાનિક પોલીસ એસપી સહિતનો કાફલો ઘટના સ્થળે પહોંચી ગયો છે. પેટ્રોલ પંપ તેમજ આસપાસના સીસીટીવી ફૂટેજ મેળવવાની તેમજ જિલ્લાભરમાં નાકાબંધી કરવામાં આવી છે.