Gujarati News

વડોદરા:નજીકના બામણગામની નદીમાં પડી જતા યુવકનું તેની પત્ની સામે જ મોત નીપજ્યું હતું.બામણ ગામે રહેતા ઘનશ્યામભાઈ રણછોડભાઈ રાઠોડીયા તેમના પત્ની સાથે સવારે ખેતરમાં જઈ રહ્યા હતા ત્યારે ગામની નદી ઉપરના નાળા પરથી કમર જેટલું પાણી વહેતું હતું. આ વખતે પતિ આગળ જઈ રહ્યા હતા. જ્યારે, તેમના પત્ની પાછળ આવી ગયા હતા.

આ વખતે એકાએક ઘનશ્યામભાઈ પાણીનાં વહેણમાં ખેંચાઈ ગયા હતા અને નદીમાં ડૂબવા માંડતા તે દૃશ્ય જોઈ પત્નીએ બુમરાણ મચાવી હતી. પરંતુ ગામલોકો મદદ આવ્યા ત્યાં સુધી ઘણું મોડું થઈ ગયું હતું અને ઘનશ્યામભાઈનું મોત નિપજયું હતુ.