Gujarati News

Gujarati News

News of Friday, 6th July 2018

ગુજરાત એગ્રો દ્વારા ૮૦ લાખનો હવે ડિવિડન્ડ ચેક

મુખ્યમંત્રીને ચેક અર્પણ કરાયો

અમદાવાદ,તા.૬: મુખ્યમંત્રી વિજય રૂપાણીને રાજ્ય સરકારના સાહસ ગુજરાત એગ્રો ઈન્ડસ્ટ્રીઝ કોર્પોરેશન દ્વારા ૨૦૧૫-૧૬ના વર્ષના ડિવીડન્ડ પેટે રાજ્ય સરકારના ફાળાનો ૮૦ લાખ ૮૨ હજારનો ચેક અર્પણ કરવામાં આવ્યો હતો. રાજ્યના કૃષિ કલ્યાણ વિભાગના અધિક મુખ્ય સચિવ  સંજયપ્રસાદ અને કોર્પોરેશન મેનેજિંગ ડિરેક્ટર મહમદ શાહીદે ગાંધીનગરમાં મુખ્યમંત્રીને આ ચેક અર્પણ કર્યો હતો. આ કોર્પોરેશનની શેરમુડી ૮ કરોડ ૮ લાખ રૂપિયાની છે તેની ૧૦ ટકા ડિવીડન્ડ પેટે ગુજરાત સરકારને આ ડિવીડન્ડ ચેક અર્પણ કરાયો હતો. અન્ને એ નિર્દેશ કરવો આવશ્યક છે કે ગુજરાત એગ્રો ઈન્ડસ્ટ્રીઝ કોર્પોરેશને રાજ્યના ધરતીપુત્રોને ખાતરની અછતના સમયે પણ સરળતાએ યુરિયા અને ડીએપી ખાતર ઉપલબ્ધ કરાવવા આ વર્ષે ૮૫ કરોડની કિંમતે ૯૦ હજાર મેટ્રિક ટન ખાતર ખરીદીને સ્ટોરેજ કર્યું છે. એટલું જ નહીં, દુર-દરાજ અંતિરયાળ વિસ્તારો સહિત રાજ્યમાં ૧૦૦૦ જેટલા એગ્રો બિઝનેસ સેન્ટર્સના માધ્યમથી આ કોર્પોરેશન ખેડુતોને ગુણવત્તાયુકત ખાતર અને જંતુનાશક દવાઓ વાજબી ભાવે પૂરું પાડે છે. ગુજરાતના નાગરિકો સમાજવર્ગોને કાર્બાઈડ ફ્રી કેસર કેરી ઉપલબ્ધ થાય તે હેતુથી એક નવિન અભિગમ રૂપે એગ્રો ઈન્ડસ્ટ્રીઝ કોર્પોરેશન કેસર મેંગો ફેસ્ટીવલનું સફળતાપૂર્વક આયોજન કરે છે. આ વર્ષે અંદાજે ૮ કરોડની ૧૦૦૦ મેટ્રિક ટન કાર્બાઈડ ફ્રી કેસર કેરી તથા ગત વર્ષ આવી ૭૫૦ મેટ્રિક ટન કેસર કેરીનું નિગમ દ્વારા ગુજરાતમાં વેચાણ થયું છે.

(10:51 pm IST)
  • સુરતમાં ધોધમાર વરસાદ: કતારગામ, વેડરોડરોડ સહિતના વિસ્તારો વરસાદ વરસ્યો access_time 11:25 pm IST

  • નવા ડ્રાઇવિંગ લાઇસન્સ સિવાય તમામ કામ માટે અેપોઇન્ટમેન્ટ પ્રથા થશે રદ:RTOમાં ખાસ કાઉન્ટર ઊભાં કરાશેઃ અરજદારોને ટોકન અપાશે:પાસપોર્ટની જેમ હવે તત્કાલ લાઇસન્સ ઇશ્યૂ કરવાની પ્રથા પણ અમલી બનશે access_time 1:33 pm IST

  • રાજકોટ ક્રાઇમ બ્રાન્ચનો સપાટો : ખેરવા ગામમાં બનાવેલ ઓરડીમાંથી 17,52 લાખની જુદી-જુદી બ્રાન્ડની 4224 વિદેશી દારૂની બોટલ ઝડપી લીધી ;ઓરડીનો મલિક અનિરુદ્ધસિંહ ઉર્ફે મોન્ટુ ઝાલા વિરુદ્ધ ગુન્હો દાખલ કરાયો access_time 12:07 am IST