Gujarati News

Gujarati News

News of Monday, 11th June 2018

લીવ ઈન રિલેશનશિપ રહેવા માંગતી નથી: આલિયા ભટ્ટ

મુંબઈ:બોલીવુડ અભિનેત્રી આલિયા ભટ્ટ હાલ રણબીર કપુર સાથેના લિંકઅપને લઈ ઘણી ચર્ચામાં છે. હાલમાં જ રણબીર કપુરે એ વાતનો સ્વીકાર કર્યો હતો કે તે આલિયાને ડેટ કરી રહ્યો છે. જોકે રણબીરનુ કહેવુ છે કે આલિયા સાથેનો સંબંધ હજુ શરુ જ થયો છે. જેથી તેને થોડો સમય આપવો પડશે. એવામાં આલિયા ભટ્ટે પોતાના લગ્નને લઈને સૌથી મોટો ખુલાસો કર્યો છે. એક ઈન્ટરવ્યુ દરમિયાન આલિયાએ જણાવ્યુ કે, તેનો ૩૦ વર્ષ પહેલા લગ્ન કરવાનો કોઈ ઈરાદો નથી. પરંતુ સાથે જ આલિયાએ એ પણ જણાવ્યુ કે તે કદાચ લગ્ન કરીને પોતાના પ્રશંસકોને સરપ્રાઈઝ પણ આપી શકે છે. 

આલિયાએ જણાવ્યુ કે, તે બાળકો માટે લગ્ન કરવા માંગે છે. જેથી જ્યારે તેને એવુ લાગશે કે તેને બાળકો જોઈએ છે અને તે બાળકોને સંભાળી શકે તેમ છે તો તે લગ્ન કરી લેશે. આ સાથે જ આલિયા ભટ્ટે લીવ ઈન રિલેશનશિપ અંગે વાત કરતા જણાવ્યુ કે હું આવુ કંઈ કરવા માંગતી નથી. અભિનેત્રી આલિયા ભટ્ટે જણાવ્યુ કે, જો તેને કોઈની સાથે રહેવુ હશે તો તે લગ્ન કરી લેશે. પરંતુ તે લીવ ઈન રીલેશનશિપમાં રહેવા માટે તૈયાર નથી. મહત્વનુ છે કે, આલિયા ભટ્ટ અને રણબીર કપુર હાલ અયાન મુખર્જીની ફિલ્મ બ્રહ્માસ્ત્રના શુટિંગમાં વ્યસ્ત છે. એવુ પ્રથમ વખત બનશે કે બન્ને કલાકાર એકસાથે કોઈ ફિલ્મમાં જોવા મળશે. આ ફિલ્મના શુટિંગ દરમિયાન જ તેમના વચ્ચેના સંબંધોની ચર્ચાએ જોર પક્ડયુ હતુ. 

(5:22 pm IST)
  • ભારતે કેન્યાને 2-0થી હરાવી ઇન્ટરકોન્ટિનેંટલ કપ જીત્યો :સુકાની સુનિલ છેત્રીએ બે ગોલ ફટકાર્યા :સુનિલે આર્જેન્ટિનાના મેસ્સીની કરી બરોબરી:સુનિલ છેત્રીએ પોતાનો 102મોં મેચ રમતા 64મોં ગોળ કર્યો હતો :ક્રિસ્ટીયાનો રોનાલ્ડોએ 150 મેચમાં 81 ગોલ્ડ સાથે પ્રથમક્રમે છે access_time 11:13 pm IST

  • કાર્તિ ચિદમ્બરમને આગોતરા જામીન મળ્યા: બ્લેક મની કેસમાં પૂર્વ નાણાં પ્રધાન પી ચિદમ્બરમના પુત્ર કાર્તિ ચિદમ્બરમને આગોતરા જામીન મળી ગયા છે. access_time 8:30 pm IST

  • કેરળમાં ભારે વરસાદ :મૃત્યુ આંક 13 થયો :ઘણા જિલ્લાઓમાં એલર્ટ જાહેર : દેશના દક્ષિણ ભાગમાં ચોમાસુ સક્રિય થઇ ગયું છે. ચોમાસાને કારણે ઘણા દક્ષિણ રાજ્યોમાં છેલ્લા કેટલાક દિવસથી જોરદાર વરસાદ પડી રહ્યો છે જેના કારણે ઘણી જગ્યા પર પૂર જેવી પરિસ્થિતિ જોવા મળી રહી છે. કેરળના અલગ અલગ ભાગોમાં છેલ્લા કેટલાક સમયથી ભારે વરસાદને કારણે અત્યારસુધીમાં 13 લોકોના મોત નિપજ્યા છે વહીવટીતંત્ર દ્વારા ઘણા જિલ્લાઓમાં એલર્ટ જાહેર કરવામાં આવ્યું છે access_time 12:39 pm IST