Gujarati News

વર્લ્ડકપ વિજેતા કેપ્ટન અર્જુન રણતુંગાએ કહ્યું હતું કે શ્રીલંકન ક્રિકેટમાં ભ્રષ્ટાચાર ટોચ સુધી ફેલાયેલો છે. તેણે આઈસીસી પર પણ મેચ ફિકસીંગ રોકવામાં નિષ્ફળ રહ્યાનો આરોપ મૂકયો છે. રણતંુગા અત્યારે સરકારમાં પ્રધાન છે. તેણે કહ્યું હતું કે 'શ્રીલંકા ક્રિકેટમાં ભ્રષ્ટાચાર અલ-જઝીરા દ્વારા રવિવારે દેખાડવામાં આવેલી ડોકયુમેન્ટરીમાં કરવામાં આવેલા દાવા કરતા પણ ઘણા મોટા સ્તરે ફેલાયેલો છે. આ તમામ આરોપોની તપાસ થવી જોઈએ, પરંતુ આ ઘણા લાંબા સમયથી ચાલી રહ્યુ હશે. આ એક એવી વસ્તુ છે જે શ્રીલંકામાં ટોચના સ્તર સુધી પહોંચેલી છે.