Gujarati News

નવી દિલ્હી: ભારતીય કેપ્ટન કોહલીએ ઈંગ્લેન્ડ સામેની ટી-૨૦માં તેની આંતરરાષ્ટ્રીય ટી-૨૦ કારકિર્દીના ૨,૦૦૦ રન પુરા કરવાની સિદ્ધિ મેળવી હતી. કોહલીએ ૬૦મી મેચમાં આ માઈલસ્ટોન પાર કરતાં ફાસ્ટેસ્ટ ૨,૦૦૦ રનનો વર્લ્ડ રેકોર્ડ નોંધાવ્યો હતો. અગાઉ ન્યુઝીલેન્ડના બ્રેન્ડન મેક્કુલમે ૭૧ ટી-૨૦માં ૨,૦૦૦ રન પુરા કર્યા હતા. આંતરરાષ્ટ્રીય ટી-૨૦માં તે ગપ્ટિલ (૨,૨૭૧), મેક્કુલમ (૨,૧૪૦) અને શોએબ મલિક (૨,૦૩૯) બાદ ચોથો ક્રિકેટર બન્યો હતો કે જેણે ૨,૦૦૦ રન પુરા કર્યા હોય. ત્રણ ટી-૨૦ની શ્રેણીમાં ભારતની ૧-૦ની સરસાઈ રાહુલે ૫૪ બોલમાં ૧૦ યોગ્ગા અને પાંચ છગ્ગા સાથે અણનમ ૧૦૧ રન ફટકારતા તેમજ કુલદીપ યાદવે ૨૪ રનમાં પાંચ વિકેટ ઝડપતા પ્રવાસી ભારતે ઇંગ્લેન્ડને ત્રણ ટ્વેન્ટી-૨૦ની શ્રેણીની પ્રથમ મેચમાં ગઇકાલે પરાજય આપ્યો હતો. ભારતે ટોસ જીતીને પ્રથમ ફિલ્ડિંગ લેતા ઇંગ્લેન્ડે ૮ વિકેટે ૧૫૯ રન તેઓની ૨૦ ઓવરમાં બનાવ્યા હતા. ઇંગ્લેન્ડ તરફથી બટલરે ૪૬ બોલમાં ૮ ચોગ્ગા અને બે છગ્ગા સાથે ૬૯ રન કર્યા હતા. ભારતે વિજય માટેનો પડકાર ૧૦ બોલ બાકી હતો ત્યારે ઝીલી લીધો હતો.