Gujarati News

Gujarati News

News of Monday, 27th May 2019

સુરતના અગ્નિકાંડે ધોરાજી-જામકંડોરણાના ૩ છાત્રોનો ભોગ લીધો

બે વિદ્યાર્થીની અને એક વિદ્યાર્થીના મોતથી ભારે અરેરાટી : વર્ષોથી સુરત સ્થાયી થયા'તા

ધોરાજી, તા. ર૭ : સુરતમાં સર્જાયેલ અગ્નિકાંડે મૂળ ધોરાજી-જામકંડોરણા પંથકના ૩ છાત્રોનો ભોગ લેતા અરેરાટી વ્યાપી ગઇ છે. વર્ષોથી સુરત સ્થાયી થયેલા પરિવારના ર વિદ્યાર્થીની અને એક વિદ્યાર્થીના મોતથી ભારે શોક છવાઇ ગયો છે.

સુરતમાં બનેલા કરૂણ ઘટનામાં વિદ્યાર્થીઓના મોતના પગલે સમગ્ર પંથકમાં શોકની લાગણી ફેલાઇ છે. ધોરાજીના વતની અને સુરત ખાતે રહેતા સંજયભાઇ અરજણભાઇ સાકરીયાની પુત્રી સ્વ.રૂતુ ઉ.વ.૧૭ તે ટયુશન કલાકમાં ગયેલ અને દાઝી જતા મોત થયેલ મરણ જનાર ૧ બહેન હતી અને ૧ ભાઇ નાનો છે. જયારે તેના પિતા સુરતમાં વાહન લે-વેચનો વ્યવસાય કરે છે.

જયારે બીજો સ્વ. અંસ મનસુખભાઇ બચુભાઇ આસોદરીયા ધોરણ ૧૧ પાસ થઇને ધોરણ ૧રમાં આવતા ટયુશન કલાસમાં ગયેલ અને મોતને ભેટો ગયેલ તેમના પરિવારમાં પિતા હિરા ઘસવાનું કામ કરે છે અને મરણ નાર અંસ બે બહેનોનો એકનો એક ભાઇ હતો તેના પિતા પણ ધોરાજીના જયારે જામકંડોરણા કાનાવડાળા ગામના પ્રવિણભાઇ ભીખાભાઇ વરસાણી તે પરિવાર સુરત હિરા ઘસવાનું કામ કરે છે અને તેની પુત્ર સ્વ. માનશીબેન પ્રવિણભાઇ વરસાણી પરિવારને એકની એક પુત્રી માનસી હતી. ધોરાજી જામકંડોરણા પંથકના સુરતમાં મોત થતાં સમગ્ર વિસ્તારમાં ઘેરાશોકની લાગણી ફેલાય હતી.

(11:13 am IST)
  • સ્ટેચ્યુ ઓફ યુનિટી જોવા પ્રવાસીઓનો ધસારો ખૂબ વધી જતા હેલીકોપ્ટર સેવા બંધ કરવી પડી છે access_time 4:15 pm IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST

  • અમદાવાદના દાણીલીમડામાં પાણીની સમસ્યા મામલે મહિલાઓ વિફરી : વોર્ડ ઓફિસમાં કરી તોડફોડ;અધિકારીઓની ખુરશીઓ સળગાવી ;બારીના કાચ ફોડ્યા :છેલ્લા દાયકાથી પાણીની સમસ્યા છતાં કોઈ ઉકેલ નહિ આવ્યો હોવાની રાવ: મહિલાઓમાં જબરો રોષ access_time 2:31 pm IST