Gujarati News

Gujarati News

News of Thursday, 24th September 2020

તળાજામા મેઘરાજનું કહેર સ્વરૂપઃ દકાના ગામે તળાવ તૂટયૂ : દિહોર ગામે વીજળી પડતાં આગમાં ત્રણ ભેંસના મોત : મોલાતનો નાશઃ તળાજી નદીમાં ફરી આવ્યું પુર

ભાવનગર તા.૨૪ :  તળાજા શહેર અને પંથકમાં મેઘરાજાનું રૌદ્ર સ્વરૂપ જોવા મળ્યું હતું. ધોધમાર વરસાદ, દિહોર સમઢીયાળા ગામે વીજળી ત્રાટકવી, દકાના ગામનું વર્ષો જૂનું તળાવ તૂટવા ના બનાવો અને ખેતરમાં જે મૌલાત ઉભી હતી,થોડી આવક આવે તેવી ખેડૂતો ની આશા પર પણ  પાણી ફરી વળ્યું હતું.

તળાજા શહેર અને પંથકમાં હવે મેઘરાજાની મહેરબાનીના બદલે જવા રીતે વરસાદ વરસી રહ્યો છે ત ેહવે કહેર વરસાવી રહ્યો છે. ગઇકાલે  સવારે ચારેક વાગ્યાના અરસામાં વીજળીના ચમકારા અને કડાકા ભડાકા વચ્ચે વાતાવરણે રૌદ્ર સ્વરૂપ ધારણ કર્યું હોય તેવા સીનારીયા વચ્ચે નવેક વાગ્યા સુધી કયારેક ધોધમાર તો કયારેક ધીમી ધારે વરસાદ વરસી ગયો .

દકાના ગામની ઉપરવાસ ભારે વરસાદ ને લઈ વર્ષો જુના તળાવમાં પાણી ની ધસમસતી આવકના કારણે તળાવ નો પાળો તૂટી જતા નીચાણ વાળી વાદીઓમાં પાણી ફરી વળ્યાં હતા.ખેડૂતો ની તમામ ફસલ પર પાણી ફરી વળ્યું હતું.

દિહોર ગામે નરેશ ભુપતભાઇ ઘોલ જે પશુપાલનનો વ્યવસાય કરતા હોય ઢાળીયા પર વીજળી પડતા અહીં નિરણમાં આગ લાગતા નિરણની જવાળાઓને લઈ અહીં બાંધાવમાં આવેલ ત્રણ ભેંસ બળીને મોતને ભેટી હતી.

છેલ્લા એક દાયકામાં તળાજી નદી સતત પંદર દિવસ થી વહેતી હોય તે આ ચોમાસા દરમિયાન જોવા મળ્યું. આજે સવારે ભારે વરસાદ ના પગલે નદીમાં પુર આવ્યૂ હતું. તળાજાના પશુપાલક અને ખેડૂત મનુભાઈ હડિયા એ આજના વરસાદને લઈ જણાવ્યું હતું કે મગફળી કપાસની ઉપજ થોડી લઈ શકાશે તેવી આશા હતી તેના પર પાણી ફરી વળ્યું હતું. એટલુંજ નહિ ડુંગળીનું જેમણે બી વાવ્યૂ હોય તે સાવ નિષ્ફળ ગયેલ છે.ખેડૂતોની દશા હવે ખરાઅર્થમાં માઠી થવા પામી છે.

(11:50 am IST)
  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST

  • ભરૂચ નજીક ફરી એકવાર ટ્રાફિક જામની સ્થિતિ, બીસ્માર હાઇવેને પગલે ૧પ કિલો મીટર લાંબો ટ્રાફિક જામ : ઇમરજન્સી કામ માટે નીકળેલા અનેક વાહન ચાલકો ટ્રાફિક જામમાં અટવાયા, તંત્રના વાંકે સામાન્ય જનતાને અનેક પરેશાની access_time 4:03 pm IST

  • નેપાળમાં ૪૮ કલાકથી ભારે વરસાદ ચાલુ: જાનહાનિ અને ખાના-ખરાબી: નેપાળમાં મંગળવારથી સતત મધ્યમથી ભારે વરસાદ પડી રહ્યો છે. શીલાઓ ગબડતા, ભૂમિ ધસી પડતા ૧૨ના મોત થયા છે અને ૯ લાપતા છે access_time 12:21 am IST