Gujarati News

Gujarati News

News of Thursday, 24th September 2020

ચુડાના વેજલકાનો બનાવ : દુષ્કર્મ બાદ બોટાદની હોસ્પિટલમાં સગીરાનો ગર્ભપાત કરાવી નાખ્યો !

સગીરાની કાકીએ હોસ્પિટલના ડોકટર- નર્સ, સગીરાના પિતા સહિત પાંચ વ્યકિતઓ વિરુદ્ઘ ફરિયાદ નોંધાવતા ચકચાર

(ફઝલ ચૌહાણ દ્વારા) વઢવાણ,તા.૨૪ : ચુડા તાલુકાના વેજલકા ગામે રહેતી ૧૩ વર્ષની સગીરાને કુટુંબના જ સભ્યો ભરતભાઈ દાનાભાઈ ધરજીયા તથા રમણીકભાઈ પમાભાઈ ધરજીયા અને સગીરાના પિતા ભરતભાઈ અરજણભાઈ ધરજીયા તમામ  થોડા દિવસો પહેલા સવારના સમયે કારમાં બેસાડી લઈ ગયાં હતાં અને ત્યારબાદ ફરિયાદીને ફોન કરી બોટાદ ખાતે ખાનગી સારવાર અર્થે લઈ ગયાં હોવાનું જણાવ્યું હતું અને રાણપુર પહોંચતા સગીરાની તબીયત સારી નહિં હોવાનું જણાવતાં ફરિયાદી મહિલાના પતિ બાબુભાઈ ધરજીયા ત્યાં પહોંચતાં તમામ લોકો હાજર હતાં અને ત્યારબાદ પરત ઘરે આવ્યાં હતાં.

આ બનાવ અંગે સગીરાની પુછપરછ કરતાં અંદાજે છ મહિના પહેલા ગામમાં જ રહેતાં શખ્સ શંકરભાઈ પમાભાઈ ધરજીયા દ્વારા સગીરાને બહાર લઈ જઈ દુષ્કર્મ આચર્યું હતું અને છ મહિનાનો ગર્ભ રહી જતાં ગામમાં તેમજ સગા સબંધીઓમાં આબરૂ ન જાય તે માટે બોટાદ ડોકટર સાથે મળી ગર્ભપાત કરાવી કાચા સમયની નવજાત બાળકી સાથે લાવી તેનો ઘાકપીછોડો કરવાનું જણાવ્યું હતું આથી ફરિયાદીએ પોલીસ ફરિયાદ કરવાનું જણાવતાં ભોગ બનનાર સગીરા છ મહિનાની મૃત બાળકીને લઈ ચુડા સરકારી દવાખાને લાવ્યાં હતાં.

જે અંગે ભોગ બનનાર સગીરાની કાકી શીલ્પાબેન ધરજીયાએ ચુડા પોલીસ મથકે પરિવારના (૧) શંકરભાઈ પમાભાઈ ધરજીયા (૨) ભરતભાઈ અરજણભાઈ ધરજીયા (સગીરાના પિતા) (૩) રમણીકભાઈ પમાભાઈ ધરજીયા (૪) ભરતભાઈ દાનાભાઈ ધરજીયા તથા (૫) બોટાદની ખાનગી પુજા હોસ્પિટલની ડોકટર તથા સ્ટાફના કર્મચારીઓ સામે ફરિયાદ નોંધાવતાં ચુડા પોલીસે વધુ તપાસ હાથધરી હતી.

(11:30 am IST)
  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST

  • ગુજરાત યુનિવર્સિટીમાં કોરોના વિસ્ફોટ : અનેક કર્મચારીઓને કોરોના વળગ્યોઃ યુનિવર્સિટી ટાવર સોમવાર સુધી બંધ :ગુજરાત યુનિવર્સિટીમાં કોરોનાનો બ્લાસ્ટઃ પરીક્ષા વિભાગ, એકેડેમિક વિભાગ, એસ્ટેટ વિભાગ, એકાઉન્ટ વિભાગના કર્મચારીઓ સમગ્ર યુનિવર્સિટી ટાવરમાં કામ કરતા અનેક જોબ ટ્રેઇનીને પણ કોરોના : યુનિવર્સિટી નો ટાવર સોમવાર સુધી બંધ access_time 4:03 pm IST