Gujarati News

Gujarati News

News of Thursday, 24th September 2020

મોબાઇલ નથી ચોર્યો એની ખાત્રી કરવા માટે ગવરીદળમાં માતાજીના મઢે સમ ખાવા ભેગા થયા ને બઘડાટીઃ ૩ને ઇજા

  • મોરબીના પીપરી બેલાના જગા જખાણીયા અને સામા પક્ષે રાજકોટના હીરા મનુ અને મેરૂ મનુને ઇજા : જો તે વિરમનો મોબાઇલ ન લીધો હોય તો મઢે આવીને સમ ખાઇ લે...તેવું કહેવાતાં હીરો, મનુ સહિતના આવ્યા ને ડખ્ખો થયો

રાજકોટ તા. ૨૪: ગવરીદળ રહેતાં દેવીપૂજક યુવાનનો મોબાઇલ ફોન ખોવાઇ ગયો હોઇ તેને જામનગર રોડ પર રહેતાં દેવીપૂજક યુવાન પર શંકા હોઇ 'જો તે ફોન ન ચોર્યો હોય તો ગવરીદળ માતાજીના મઢે આવીને માતાજીના સમ ખાઇ લે' તેમ કહેવાતા આ યુવાન અને તેનો ભાઇ સહિતના ગવરીદળ મઢે ભેગા થયા બાદ બોલાચાલી થતાં એક બીજા પર હુમલો થતાં ત્રણને ઇજા થઇ હતી.

ઘાયલોમાં મોરબીના પીપરી બેલાના જગાભાઇ વાલાભાઇ જખાણીયા (ઉ.વ.૪૦) તથા સામે પક્ષે જામનગર રોડ એરપોર્ટ ગાર્ડન પાસે રહેતાં હીરા મનુભાઇ વાજેલીયા (ઉ.વ.૨૨) તથા મેરૂ મનુભાઇ વાજેલીયા (ઉ.વ.૨૦)ને સિવિલ હોસ્પિટલમાં ખસેડાયા હતાં. જગાએ પોતાના પર હીરા મનુ સહિતે છરીથી હુમલો કર્યાની અને હીરાએ પોતાના પર કાળુ, જગા સહિતે પાઇપથી હુમલો કર્યાની રાવ કરતાં કુવાડવા પોલીસે ફરિયાદ નોંધવા તજવીજ કરી હતી.

જગા વાલાએ જણાવ્યું હતું કે તેનો ભાઇ વિરમ જે ગવરીદળ રહે છે તેનો ૧૦ હજારનો મોબાઇલ બે દિવસ પહેલા મોડી રાતે ચોરાઇ ગયો હતો. આ ફોન હીરો ચોરી ગયાની શંકા હોઇ તેને આ બાબતે પુછ્યું હતું. પણ તેણે આનાકાની કરી હતી. આથી તેને ગવરીદળ અમારા માતાજીનો મઢ હોઇ ત્યાં આવી સમ ખાઇ લેવા કહેવાયું હતું. આથી ગઇકાલે હું પીપરીથી મઢે આવ્યો હતો. અહિ બધા ભેગા થયા ત્યારે બોલાચાલી થતાં હુમલો કરાયો હતો.

સામે હીરાએ કહ્યું હતું કે પોતાને મોબાઇલ ફોન બાબતે ખબર ન હોવ ાછતાં ખોટો આરોપ મુકી કાળુ નાનજી અને જગા વાલાએ હુમલો કર્યો હતો. જેમાં પોતાને અને ભાઇ મેરૂને ઇજા થઇ હતી. પીએસઆઇ આર. કે. રાઠોડ વધુ તપાસ કરે છે.

(11:26 am IST)
  • હૈદ્રાબાદની ટીમમાં જેશન હોલ્ડરનો સમાવેશ :સનરાઈઝ હૈદ્રાબાદનો ઓલરાઉન્ડર મિચેલ :માર્શને પગની ઘૂંટીની ઈજા થતા આઈપીએલમાંથી આઉટ : તેના સ્થાને વિન્ડીઝના ઓલરાઉન્ડર જેશન હોલ્ડરનો ટીમમાં સમાવેશ access_time 2:53 pm IST

  • આસામ સરકારે 12 મા ધોરણના બોર્ડના અભ્યાસક્રમમાં 30 ટકાનો ઘટાડો કર્યો : 1984 ની સાલના શીખ દંગલ ,ગુજરાતનું નવનિર્માણ આંદોલન ,2002 ની સાલના કોમી રમખાણો ,તથા અયોધ્યા વિવાદ મામલો સહિતના ચેપટર કાઢી નાખ્યા access_time 11:39 am IST

  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST