Gujarati News

Gujarati News

News of Wednesday, 24th April 2019

કચ્છના નાંદા ગામે પાણી અને શિક્ષણના મુદ્દે કર્યો મતદાનનો બહિષ્કાર- વહીવટીતંત્ર,નેતાઓની સમજાવટ નિષ્ફળ

ભાજપની તરફેણનું ગામ હોવા છતાંયે નેતાઓ દ્વારા ઉપેક્ષિત કરાતું હોવાની લાગણી

ભુજ, તા.૨૪:  લોકસભાની ચૂંટણી દરમ્યાન કચ્છના રાપર તાલુકાના નાંદા ગામના ગ્રામજનોએ મતદાનનો બહિષ્કાર કર્યો હતો. ગામમાં ૨૬૦ જેટલા મતદારો પૈકી માત્ર ૧ જ વોટ પડ્યો હતો. જોકે, મીડીયા મારફતે મતદાન બહિષ્કારની ખબર પડ્યા પછી વહીવટીતંત્ર અને રાજકીય આગેવાનોએ સમજાવટના પ્રયાસો હાથ ધર્યા હતા પણ પાણીની કાયમી સમસ્યા તેમ જ બસના અભાવે શાળાએ જતા બાળકો દ્વારા અભ્યાસ અધુરો છોડવાની સમસ્યા અને દરરોજની સમસ્યાઓથી કંટાળેલા ગ્રામજનોની હિજરતને પગલે આક્રોશ અનુભવતા ગ્રામજનોએ મક્કમ પણે મતદાનનો બહિષ્કાર કરવાનું મન મનાવી લીધું હોઈ મતદાન થયું નહોતું. સાંજે ૬ વાગ્યે પોલિંગ સ્ટાફે માત્ર એક જ મત પડેલ મતપેટીને સીલ કરી હતી. ભાજપની તરફેણનું ગામ હોઈ જિલ્લા પચાયત પ્રમુખ લક્ષમણસિંહ સોઢા, ધારાસભ્ય વિરેન્દ્રસિંહ જાડેજાએ પણ નાંદા ગામના ગ્રામજનોને સમજાવવા પ્રયાસો કર્યા હતા પણ તે પ્રયાસો છતાયે ગ્રામજનો ટસના મસ થયા નહોતા.

(11:59 am IST)
  • પ.બં.ના મુખ્યમંત્રી મમતા બેનર્જી ઉપર બનાવેલ ફિલ્મ ભગીનીનું ટ્રેઇલર બતાવવા સામે ચુંટણીપંચે પ્રતિબંધ લાદયા access_time 3:42 pm IST

  • કોંગ્રેસ સત્તામાં હોય છે ત્યારે આતંકવાદીઓ અને માઓવાદીઓનો આત્મવિશ્વાસ વધે છે :વડાપ્રધાન મોદીએ કોંગ્રેસ પર આકારા પ્રહાર કરતા લોહરદગામાં ચૂંટણી સભાને સંબોધતા કહ્યું કે કોંગ્રેસ પાર્ટી માત્ર એક પરિવાર માટે વિચારે છે અને તેના માટે જ સમર્પિત છે :અન્ય તેના માટે માત્ર વોટબેન્ક છે access_time 1:08 am IST

  • મોદી બાયોપીકમાં વિપક્ષોને ખુબ નબળા ચિતરવામાં આવ્યા: ચુંટણીપંચે ૧૯મે સુધી આ ફિલ્મ ઉપર પ્રતિબંધની માંગણી કરી :ચુંટણીપંચે સુપ્રિમકોર્ટમાં રીપોર્ટ આવ્યો છે કે છેલ્લા તબકકાના મતદાન એટલે કે ૧૯ મેં સુધી મોદી બાયોપીક ઉપર પ્રતિબંધ ઇચ્છે છે, આ ફિલ્મ એક નેતાની જીવન કથની છેઃ આ ફિલ્મમાં રાજકીય પ્રતિનિધિઓનો પ્રશસ્તિ કરવામાં આવી છે. ચુંટણી પંચના રીપોર્ટમાં જણાવાયું છે કે બાયોપીકમાં વિરોધ પક્ષોને ખુબ જ નબળા ચિતરવામાં આવ્યા છે અને તેમની સામેના વ્યકિત ઉપર વધુ ઢળતા દેખા ડાયા છે access_time 3:59 pm IST