Gujarati News

Gujarati News

News of Wednesday, 24th April 2019

તળાજા વિસ્તારમાં પોલીસને ૨૪ કલાક દરમિયાન માત્ર બે કેળા મળ્યા જમવામાં

તળાજા, તા.૨૪:  તળાજા વિધાનસભા મત ક્ષેત્રમાં ફરજ બજાવતા પોલીસ કર્મીઓને પોતાના જ વિભાગના મિસ મેનેજમેન્ટનું ભોગ બનવું પડયુ હતું. બે ટંકના રોટલાને લઈ એવી ફરિયાદ ઉઠવા પામી હતી કે ચોવીસ કલાક દરમિયાન મળવા જોઈતા ફૂડ પેકેટના બદલામાં માત્ર બે કેળા જ મળ્યા હતા!

લોકશાહીનું મહાપર્વ ગુજરાતભરમાં મતદાનને લઈ ઉજવાયુ. પણ તળાજા વિધાનસભા મત ક્ષેત્રમાં જે પોલીસ કર્મીઓ ફરજ બજાવતા હતા તેમના માટે ભોજનની બાબતને લઈ આકરું અને યાદગાર બની રહ્યાની ફરિયાદ પોલિસ વર્ગમાંથી ઉઠવા પામેલ.

જાણવા મળતી વિગતોમાં બપોરથી પોલીસ જવાનોએ બૂથ નો મોરચો સંભાળી લીધો હતો. મતદાન બૂથ ખાતે કાયદો વ્યવસ્થા જાળવવા પહોંચેલ પોલીસ જવાનોને પોતાનાજ વિભાગ દ્વારા જમવાની એટલે કે ફૂડ પેકેટ પહોંચાડવાની વ્યવસ્થા કરવામાં આવતી હોય છે પણ ચોવીસ કલાકમાં ફૂડપેકેટ ના બદલે માત્ર બે કેળા જ મોકલવામાં આવ્યા હતા. એ પણ કેટલાક પોલીસને તો બપોરના ચાર વાગ્યે મળ્યા એ કેળાની છાલ પણ કાળી થઈ ગઈ હતી. એટલે કે ખાવા લાયક ન હતા.

બીજી તરફ એવી પણ વાત જાણવા મળી હતી કે તળાજા શહેરમાં અમદાવાદથી મહિલા પોલીસ મુકવામાં આવેલ. આ મહિલા પોલીસને જમાડવાની જવાબદારી સ્થાનિક હોમગાર્ડના માથે થોપવામાં આવી હતી.

એટલું જ નહિ હોમગાર્ડ ને પણ અહીં રાતના ફૂડ પેકેટ મળવા જોઈએ તે મળ્યા જ ન હતા આથી ઘરે જઈ ભોજન ગત રાત્રી દરમિયાન લેવું પડયુ હતું.

(11:54 am IST)
  • રાજકોટમાં આવતીકાલે આકરો તાપઃ ઓરેન્જ એલર્ટ જાહેર કરતા બંછાનીધી પાની : આવતીકાલે શહેરમાં ૪પ ડીગ્રી જેટલુ તાપમાન રહેશે access_time 4:19 pm IST

  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • ચુંટણી જંગ માટે તૈયારઃ ગઇ કાલે નોર્થ-ઇસ્ટ દિલ્હી લોકસભા સીટ માટે ઉમેદવારી પત્ર ભરવા માટે આવેલાં દિલ્હીનાં ભૂતપૂર્વ મુખ્ય પ્રધાન શીલા દિક્ષીત access_time 11:22 am IST