Gujarati News

Gujarati News

News of Wednesday, 24th April 2019

લીલીયામાં દિકરીના ઘરે ઉંબરેથી પડી જતાં સાવરકુંડલાના અમીનાબેન કુરેશીનું મોત

રાજકોટ તા. ૨૪: સાવરકુંડલામાં નવા બસ સ્ટેશન પાછળ કાપડીયા સોસાયટીમાં રહેતાં અમીનાબેન જમાલભાઇ કુરેશી (ઉ.૮૦) નામના વૃધ્ધા ૧૭મીએ લીલીયા ગામે પોતાની દિકરી મુમતાઝબેન હારૂનભાઇના ઘરે આટો દેવા ગયા હતાં ત્યારે ત્યાં ઉંબરા પરથી પડી જતાં ઇજા થતાં સાવરકુંડલા સારવાર અપાવી રાજકોટ સિવિલ હોસ્પિટલમાં ખસેડાયા હતાં. અહિ ગઇકાલે મોત નિપજ્યું હતું. મૃત્યુ પામનાર અમીનાબેનને સંતાનમાં બે પુત્ર અને બે પુત્રી છે. હોસ્પિટલ ચોકીના મહેન્દ્રભાઇ પરમાર અને દિપસિંહ ચોૈહાણે કાગળો કરી સાવરકુંડલા જાણ કરી હતી. અમીનાબેન દિકરીના ઘરે ગયા ત્યારે દિકરી જમાઇ પણ અમદાવાદ પ્રસંગમાં ગયા હતાં.  બનાવને પગલે પરિવારજનોમાં માતમ છવાઇગયો હતો.

(11:34 am IST)
  • CBIએ ભૂષણ સ્ટીલના ચેરમેન સંજય સિંઘલ અને તેમના પત્ની આરતી સિંઘલ સામે દેશના દરેક એરપોર્ટ પર લુકઆઉટ સર્ક્યુલર જાહેર કર્યું છે : CBIને સંદેહ છે તેઓ બન્ને દેશ છોડીને ભાગી જવાની પેરવીમાં છે. access_time 9:20 pm IST

  • શ્રીલંકાને ધણધણાવવા ૯ સુસાઈડ બોમ્બરોનો ઉપયોગ થયેલ..: શ્રીલંકામાં અનેક વિસ્ફોટોની હારમાળા સર્જી સેંકડોના જીવ હરી લેવાના કાળમુખા બનાવમાં ૯ સુસાઈડ બોમ્બરોનો ઉપયોગ થયો હતો : જેમાંથી ૮ને ઓળખી લેવાયાનું અને ૬૦ની ધરપકડ થયાનુ જાહેર થયુ છે : આ તમામ લોકો શ્રીલંકન નાગરીકો છે access_time 4:00 pm IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST