Gujarati News

Gujarati News

News of Monday, 22nd October 2018

લખતર રાજવી પરિવારની હવેલીમાંથી પ્રાચીન મૂર્તિઓ સહીત ૪૦ લાખની ચોરીમાં શેઠલાનાં શખ્સોની અટકાયત

વઢવાણ, તા.૨૨: લખતરમાં રાજવી પરિવારની હવેલીમાંથી પ્રાચિન મૂર્તિ સહીત ૪૦ લાખનાં કિંમતી મુદામાલની ચોરીનાં બનાવમાં પોલીસે શેઠલા ગામના કેટલાક શકમંદ શખ્સોની અટકાયત કરીને પૂછપરછ શરૂ કરી હતી.

લખતર રાજવી પરિવારના રાજમહેલ નજીક રણછોડરાયજીની ૪૦૦ વર્ષપ્રાચીન રાધાકૃષ્ણની પંચધાતુની મૂર્તિની સાથે રદ્યુનાથજી, જમુનાજી, ઠાકોરજી સહિતની મૂર્તિ, સોના ચાંદીના વાસણો મળી કુલ ૩૧ વસ્તુકિંમત રૂપિયા ૪૦ લાખના મુદ્દામાલની ચોરીનો બનાવ બન્યો હતો.  આ ઘટનાની રાજવી પરિવારના હરપાલસિંહ ઉર્ફે હેપીદાદા ગજેન્દ્રસિંહ ઝાલાએ ફરિયાદ નોંધાવી હતી. આ બનાવમાં હવેલીના મુખ્ય દરવાજાનું તાળુ તોડી પેટીમાંથી ચાવી લઇને બાકીના દરવાજા ખોલીને કોઇ જાણભેદુએ ચોરી કરી હોવાના અનુમાન સાથે સ્થાનિક પોલીસે તપાસ શરૂ કરી હતી. તંત્ર દ્વારા જુદી જુદી ટીમો બનાવની ૧૧ દિવસ સુધી સતત અલગ અલગ દિશાઓમાં ચોરીના મૂળ સુધી પહોંચવા તપાસનો ધમધમાટ શરૂ કર્યો હતો. પરિણામે તા. ૨૧ ઓકટોબરની મોડી સાંજે આ ચોરીમાં કેટલાક શેડલાના શખ્સો પકડાયા હોવાની વિગતો પોલીસ સૂત્રો પાસેથી જાણવા મળી હતી. આ અંગે ડીવાયએસપી એ.બી.વાળંદે જણાવ્યુ કે, હાલ શકના આધારે અમુક શખ્સોની અટકાયત કરાઇ છે.(૨૨.૮)

(3:44 pm IST)
  • અમરેલી-ધારીના માણાવાવ ગામ નજીકથી ગેરકાયદેસર વૃક્ષ કટીંગ ઝડપાયું:લાકડા ભરેલ આયસર ટ્રક પોલીસે ઝડપી પાડ્યું :ટ્રક ઝડપાયા બાદ વૃક્ષ છેદનનો થયો પર્દાફાશ:અત્યાર સુધી 7 લાખ 20 હજારના લાકડાનું કટીંગ કરી વેચી દેવાયું: પોલીસે 3 સામે ગુન્હો નોંધીને મુદામાલ સહીત આરોપી વનવિભાગને સોંપ્યા . access_time 9:45 pm IST

  • ભરૂચ :સ્ટેચ્યુ ઓફ યુનિટી આદિવાસીઓનો વિનાશ નોતરશે : સરકારે પટેલોના મત મેળવવા સરદાર પટેલનું સ્ટેચ્યુ બનાવ્યું' :ઝઘડિયાના ધારાસભ્ય છોટુ વસાવાનું નિવેદન:31મી ઓક્ટોબરે 14 જિલ્લાના આદિવાસીઓ કાર્યક્રમનો બહિષ્કાર કરી વિરોધ નોંધવાશે access_time 4:21 pm IST

  • ગાંધીનગર :2 બાળકો સાથે વૃદ્ધે આચર્યુ દુષ્કર્મ :80 વર્ષનાં કેશુ મહારાજે બાળકો સાથે આચર્યુ દુષ્કર્મ :ચોકલેટની લાલચે આચર્યું સૃષ્ટિ વિરુદ્ધનું કૃત્ય:ગોડાઉનમાં આચર્યું સૃષ્ટિ વિરુદ્ધનું કૃત્ય:સેક્ટર 21 પોલીસે તપાસ હાથ ધરી access_time 4:20 pm IST