Gujarati News

Gujarati News

News of Tuesday, 22nd September 2020

શિહોરમાં કચરાના ઢગલામાંથી એટીએમ કાર્ડ ચેકબુકો મળી આવ્યા : ખળભળાટ

લોકોને ખબર પડતા જનધન યોજનાના ખાતેદારો પહોંચી ગયાને પોતાના કાર્ડ ગોતીને લઇ ગયા

ભાવનગર પંથકમાંથી કચરાના ઢગલામાંથી જનધન યોજનાના ખાતેદારોના એટીએમ કાર્ડ મળી આવતા ચકચાર મચી જવા પામી છે. તેની તસ્વીર. (તસ્વીરઃ મેંઘના વિપુલ હિરાણી-ભાવનગર)

ભાવનગર, તા. રર : શિહોરમાં ટાણા રોડ પર ઉકરડાની બાજુમાં આવેલ અવાવરૂ જગ્યામાં આઇસીઆઇસીઆઇ બેંકના એટીએમ કાર્ડ અને ચેકબુકો કચરાના ઢગલામાંથી મળી આવતા ભારે ચર્ચા જાગી છે. સિંહોરના જનધન યોજનાના ખાતેદારો કચરાના ઢગલામાંથી પોતાના નામ વાળા કાર્ડ લઇ ગયા હોવાનું જાણવા મળેલ છે.

મળતી વિગતો મુજબ ભાવનગરના વરલ ગામે આઇસીઆઇસીઆઇ બેંકની શાખા આવેલ છે. વરલ ગામના લોકોએ આ બેંકમાં જનધન ખાતા ખોલાવ્યા છે.

દરમ્યાન સિહોરના ટાણા રોડ પર એક ઉકરડાની નજીક અવાવરૂ જગ્યામાં મોટી સંખ્યામાં આઇસીઆઇસીઆઇ બેંકના એટીએમ કાર્ડ અને ચેકબુકો પડી હોવાની ગ્રામ્યજનોને જાણ થતાં લોકો દોડી ગયા હતાં અને કચરાના ઢગલામાંથી પોતાના નામના એટીએમ ગોતવા લાગ્યા હતાં.

બેંકના એટીએમ કાર્ડ અને ચેકબુકો કચરાના ઢગલામાં કઇ રીતે પહોંચ્યા? તે અંગે ભારે ચર્ચા જાગી છે.

(11:41 am IST)
  • 3.6ની તીવ્રતાના ધરતીકંપથી શ્રીનગર ધ્રુજી ઉઠ્યું : લોકો રસ્તાઓ પીઆર દોડી આવ્યા : જમ્મુ અને કાશ્મીર - શ્રીનગરના ઉત્તર પશ્ચિમ વિસ્તારથી 11 કિ.મી. ના અંતરે મોડી સાંજે 09:40 વાગ્યે ભૂકંપ નોધાયાનું રાષ્ટ્રીય સિસ્મોલોજી કેન્દ્ર એ જાહેર કર્યું છે. access_time 12:07 am IST

  • રાજકોટ : ઝોન 8 માં બેસતા વરિષ્ઠ નોટરી કે. કે. મહેતાનું કોરોના ને લીધે દૂ:ખદ અવસાન થયાનું જાણવા મળે છે. access_time 12:10 am IST

  • અત્યારે મોડી રાત્રે પોણા અગિયાર વાગ્યે સૌરાષ્ટ્રના ઓખા દ્વારકા પોરબંદર જામનગર ના દરિયા કાંઠે જબ્બર વાદળા છવાયા છે સાથોસાથ સુરત સહિત દક્ષિણ ગુજરાત ઉપર પણ વાદળોના ગંજ ખડકાયા છે. ભારે બફારા પછી રાત્રે સુરતમાં જોરદાર વરસાદ પડ્યાનું કુશલ ઠક્કરે જણાવ્યું છે. access_time 11:51 pm IST