Gujarati News

Gujarati News

News of Monday, 21st September 2020

રાજુલા પાસે પુલના કામમાં ઝડપ લાવવા માંગણી : થોરડી રોડ અતિબિસ્માર

રાજુલા તા.૨૧ : સાવરકુંડલા રોડ વાયા થોરડી વાળો રોડ ખૂબ બિસ્માર હાલતમાં હોય ઠેર ઠેર મસમોટા ખાડાઓ પડી ગયા હોય તેમજ જાયોદર પાસેનો પુલ પણ ધરાશાહી થયેલો હોય અને આ પુલનુ કામ ખૂબ મંદ ગતિએ ચાલતુ હોય જેના લીધે પીપાવાવ અને માલસામાન લઇને આવજા કરતા કન્ટેનરો અને ટ્રકોને ફરી ફરીને વાવેરા રોડ પરથી જવુ પડે છે. જેના કારણે ડીઝલ તથા વેરીએન્ટેજ વધી જાય છે.

હાલના કોરોનાના સમયમાં ડીઝલ પેટ્રોલના ભાવો પણ વધેલ હોય ટ્રક માલીકોને ખૂબ જ મોટા પ્રમાણમાં નુકશાન થઇ રહેલ હોય આ રોડને તાત્કાલીક રીપેરીંગ કરવાની માંગ પીપાવાવ ટ્રક એશો.ના પ્રમુખ જીકારભાઇ વાઘ (યાદવ) દ્વારા કરવામાં આવેલ છે. તેઓએ એવુ પણ જણાવેલ છે કે, આવા કપરા સમયમાં જો આ રોડ તાત્કાલીક નહી થાય છે ટ્રક માલીકો દેવામાં ડૂબી જશે જેથી સરકાર અને તંત્ર દ્વારા તાત્કાલીક યુધ્ધના ધોરણે પુલ અને રોડ રીપેરીંગ કરવામાં આવે તેવી માંગ કરી છે

(1:16 pm IST)
  • સૌરાષ્ટ્ર - કચ્છ અને ગુજરાત ઉપરથી આજે વાદળા વિખેરાવા લાગ્યા :ગઈકાલે વાદળાઓના ઝુંડ છવાયા હતા તો આજે સવારથી આછા વાદળા થવા લાગ્યા. રાજકોટમાં અત્યારે તડકા છાયાનું વાતાવરણ છે.( access_time 1:04 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST

  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST