Gujarati News

Gujarati News

News of Monday, 21st May 2018

દ્વારકાધીશના દર્શનાર્થીના ખિસ્સામાંથી પાકીટની ચોરી

ગઠીયાએ પાકીટમાં રહેલા ૧૦ હજાર રોકડા લઇ લીધા ઉપરાંત એટીએમ દ્વારા ૪૦ હજાર પણ બેન્કમાંથી સેરવી લીધા

દ્વારકા તા. ર૧ :.. જગત મંદિરે અમદાવાદના યાત્રીક પરેશભાઇ બલદેવભાઇ ત્રિવેદી દર્શને ગયા હતાં.અધિક (પરષોતમ માસ) ચાલી રહ્યો છે. મંદિરમાં બહુભિડ હોવાથી ભીડનો લાભ લઇ અજાણ્યો તસ્કર પરેશભાઇના ખિસ્સામાંથી પર્સ સેરવી નાસી છૂટેલ હતો.

બનાવ બાદની થોડીવાર પછી ખીસ્સામાંથી પૈસા કાઢવા જતા પર્સ મંદિરમાં ભીડમાંથી કોઇ તસ્કરો કાઢી ગયેલ હોવાની જાણ થતા તુરંત દ્વારકા પોલીસ સ્ટેશને ફરીયાદ કરવા પહોંચેલ હતાં.

તે પર્સમાં ૧૦ હજાર રૂપિયા રોકડા બે એટીએમ તેમજ અગત્યના આઇકાર્ડો હતાં.

તેમાં એક એટીએમમાં પાસવર્ડ કવર ઉપર લખેલ હતો. તે એટીએમ દ્વારા પૈસા દ્વારકાની બીઓબી તેમજ પંજાબ નેશનલ બેંકના એટીએમમાંથી જૂદી જૂદી વાર દસ દસ હજાર કરીને ચાર વાર એટીએમમાંથી ૪૦,૦૦૦ કાઢયા હતાં તેમજ દસ હજાર રોકડા સહિત પ૦,૦૦૦ હજાર લઇ અજાણ્યો શખ્સ  પલાયન થઇ ગયેલની ફરીયાદ દ્વારકા પોલીસ સ્ટેશનમાં નોંધાઇ હતી. (પ-૧૩)

(12:25 pm IST)
  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST

  • રાજકોટ : શાપરમાં યુવાનને ઢોરમાર મારી હત્યા નિપજાવવાનાં મામલે પોલીસે 4 આરોપી, ચિરાગ વોરા, દિવ્યેશ વોરા, જયસુખ રાદડિયા અને તેજસ ઝાલા નામના શખ્શોની કરી ધરપકડ : મારકૂટના cctv ફૂટેજનો વિડીયો સોશ્યલ મીડિયામાં ધૂમ થયો છે વાયરલ access_time 11:20 am IST