Gujarati News

Gujarati News

News of Monday, 21st May 2018

શનીવારે 'પાસ' દ્વારા ધ્રાંગધ્રાના મોટી માલવણમાં પાટીદાર ન્યાય મહાપંચાયત : ભાજપ - કોંગ્રેસના પાટીદાર ધારાસભ્યોને આમંત્રણ

જો ધારાસભ્યો હાજરી નહી આપે તો તેમના ઘરે વિરોધ પ્રદર્શન કરાશે : હાર્દિક પટેલ

રાજકોટ તા. ૨૧ : પાટીદાર અનામત આંદોલનની ફરી વેગવંતુ કરવા માટે તા. ૨૬ને શનિવારે સુરેન્દ્રનગર જિલ્લાના ધ્રાંગધ્રા તાલુકાના માલવણમાં પાટીદાર ન્યાય મહાપંચાયતનું આયોજન કરાયું છે.

પાટીદાર અનામત આંદોલન સમિતિ ગુજરાતના કન્વીનર હાર્દિક પટેલ અને અલ્પેશ કથિરીયાએ જણાવ્યું છે કે, તા. ૨૬ને શનિવાર રાત્રે ૭ કલાકે ધ્રાંગધ્રા તાલુકાના મોટી માલવણ ગામ ખાતે પાટીદાર અનામત મુદ્દે પાટીદાર ન્યયા મહાપંચાયતમાં ગુજરાતના મુખ્ય પાટીદાર ગામડાઓમાંથી તમામ સાથીઓ ઉપસ્થિત રહેશે.

મહાપંચાયતમાં પાટીદાર સમાજને અનામતનો લાભ આપવા તથા નિર્દોષ પાટીદાર યુવાનો પરથી રાજદ્રોહ સમેત કેસ પાછા ખેંચવા માંગણી કરાશે.

આ અંગે હાર્દિક પટેલે 'અકિલા'ને જણાવ્યું હતું કે, આ મહાપંચાયતમાં ૨૫ હજારથી વધુ પાટીદારો ઉમટી પડશે અને ભાજપ - કોંગ્રેસના પાટીદાર ધારાસભ્યોને આમંત્રણ પાઠવાયું છે અને તેઓ હાજરી નહી આપે તો તેમના ઘરે વિરોધ પ્રદર્શન કરવામાં આવશે.

 

(11:09 am IST)
  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST