Gujarati News

Gujarati News

News of Monday, 15th April 2019

ધ્રોલ વિસ્તારમાં વીજ તંત્ર દ્વારા ગ્રામ્ય પ્રજાને આડેધડ બીલો ફટકારાયાઃ યુનિટના ૧ર રૂા.!!

લોકોમાં ફાટી નીકળેલો રોષઃ વીજ કચેરીમાં પણ કોઇ જવાબદાર હાજર નહી

રાજકોટ તા. ૧પ :.. જામનગર રોડ ઉપર આવેલા ધ્રોલ વિસ્તારમાં અને ગ્રામ્ય વિસ્તારમાં વીજ તંત્ર દ્વારા લોકોને આડેધડ બીલો ફટકારાતા દેકારો બોલી ગયો છે., લોકોમાં પ્રચંડ રોષ ફાટી નીકળ્યો છે. સંખ્યાબંધ ગ્રાહકોને ૮ થી ૧ર રૂા. યુનિટ લેખે બીલો અપાતા લોકોમાં હાયકારો નીકળી ગયો છે, એટલુ જ નહી ગ્રાહકો જીઇબીની ઓફીસે રજૂઆત માટે જાય તો કોઇ જવાબ આપતુ નથી, કોઇ જવાબદાર હોતા નથી, વારંવાર ધકકા થતા હોવાની બૂમો ઉઠી છે.

નવાઇ એ છે કે અગાઉના મહીનાનું બીલ ભરેલુ હોવા છતાં ચડત આવે તો પહોંચ લઇને આવો તેવા જવાબો અપાય છે, બે - બે મહિનાના બીલો કોમ્પ્યુટરમાં જમા લેવાતા નથી. તેવી ચોંકાવનારી ફરીયાદો ઉઠી છે.

એટલુ જ નહી, ૪ થી પ બીલ બંધના અપાયા બાદ મન ફાળે તેમ બીલ અપાતા હોવાની અને એકી સાથે છ-છ બીલના મોટા બીલો અપાતા હોવાની પણ ફરીયાદો ઉઠી છે.

ચોંકાવનારી બાબત મુજબ એક બીલમાં ૭૧ યુનિટનું બીલ ૧ર૧૭ રૂા. તો બીજા બીલમાં ૧૬૯ યુનિટનું બીલ રૂા. ૧૦૪૯ અપાયું છે, ગ્રાહકોએ શું સમજવુ તે પ્રશ્ન થઇ પડયો છે.

(12:07 pm IST)
  • કુવાડવામાં વરસાદ ચાલુ : રાજકોટના રૈયા ગામ અને સૌરાષ્‍ટ્ર યુનિવર્સિટીમાં વરસાદ ચાલુ access_time 4:13 pm IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST