Gujarati News

Gujarati News

News of Thursday, 14th June 2018

જૂનાગઢમાં રહેણાંક મકાનમાં ચાલતા જુગાર અડ્ડાનો પર્દાફાશ : ૧૦ શખ્સોની ધરપકડ

રોકડ અને મોબાઇલ સહિત રૂ. ૩૫૭૯૦ કબ્જે

જૂનાગઢ તા. ૧૪ : જૂનાગઢમાં રહેણાંક મકાનમાં ચાલતા જુગાર અડ્ડાનો પોલીસે રાત્રે પર્દાફાશ કરી ૧૦ શખ્સોને રૂ. ૩૫૭૯૦ સાથે પકડી પાડયા હતા.

જૂનાગઢમાં બીલખા રોડ પર આવેલ પાઠકનગરમાં રહેતો સુનિલ મગનલાલ ડાભી - કોળી તેના મકાનમાં જુગાર રમાડતો હોવાની માહિતી મળતા ગત રાત્રે સી-ડીવીઝનના પીએસઆઇ ડી.કે.વાઘેલાએ સ્ટાફ સાથે દરોડો પાડયો હતો.

આ કાર્યવાહીમાં પોલીસે જુગારધામનો સંચાલક સુનિલ મગન ઉપરાંત ભૂપત ધીરૂ વાઘેલા, નરેશ સોમા વાણવી, કિશન તુલસી વાઘેલા, પ્રદિપ વિનુ સરવૈયા, રાજન અમૃત રાઠોડ, કરશન અરજણ દાસા, લખમણ દેવા ઓડેદરા, હરેશ પોપટ પરમાર અને જબક રાધવ ખીમસુરીયા સહિત ૧૦ શખ્સોને તીનપત્તીનો જુગાર રમતા ઝડપી લીધા હતા.

પોલીસે જુગારીઓ પાસેથી રૂ. ૩૦૭૯૦ની રોકડ તેમજ રૂ. ૫૦૦૦ની કિંમતના ૬ મોબાઇલ ફોન કબ્જે કરી ધોરણસરની કાર્યવાહી હાથ ધરી હતી.

વિશેષ તપાસ એએસઆઇ બી.એન.રવૈયા ચલાવી રહ્યા છે.

(12:42 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST