Gujarati News

Gujarati News

News of Monday, 12th April 2021

મોરબી મિલેનિયમ ગ્રુપ દ્વારા સિરામિક ફેકટરીમાં શ્રમિક માટે હંગામી હોસ્પિટલ જેવી સુવિધા

સરકારને ભરોસે બેસવાને બદલે મિલેનિયમ ગ્રુપ દ્વારા પોતાની ફેકટરી સમૂહ માટે આરોગ્ય સેવા શરૂ કરી

(પ્રવિણ વ્યાસ દ્વારા)મોરબી,તા.૧૦: કોરોના મહામારી વચ્ચે સરકારી હોસ્પિટલ અને ખાનગી દવાખાના દર્દીઓથી ઉભરાય રહ્યા છે.

ત્યારે મોરબીના મિલેનિયમ ગ્રુપ ઓફ કંપની દ્વારા અપના હાથ જગન્નાથ સૂત્રને સાર્થક બનાવી પોતાના શ્રમિકો માટે ફેકટરીમાં જ આરોગ્ય સુવિધા ઉપલબ્ધ કરાવી દર્દીઓની સારવાર સુશ્રુશા શરૂ કરાવી પ્રેરણાદાયી ઉદાહરણ પૂરું પાડ્યું છે.

મોરબીની પ્રવર્તમાન પરિસ્થિતિ જોતા હોસ્પીટલમાં જગ્યા ન હોવાથી મિલેનિયમ ગ્રુપના ડાયરેકટર રાજેશભાઈ કોરડીયા અને રાકેશભાઈ કોરડીયા દ્વારા એક સારો વિચાર કરીને તેમનાં દ્વારા સંચાલિત મિલેનિયમ ફાઉન્ડેશન દ્વારા શ્રમિક લોકોને લોરેન્જો તેમજ તેમના બધા ગ્રૂપ યુનિટ ખાતે એક સારી મેડિકલ સુવિધા આપવા ફેકટરીમાં જ મંડપ, ગાદલા સહિતની સુવિધાઓ સાથે શ્રમિકોની સારવાર સુશ્રુશા શરૂ કરવામાં આવી છે.

આ પ્રેરણાદાયી માનવસેવાની કામગીરી બદલ મિલેનિયમ ગ્રુપ ઓફ કંપનીને ચોતરફથી શુભકામનાઓ મળી રહી છે અને અન્ય ફેકટરીમાં પણ આવી સુવિધા ઉપલબ્ધ બને તે માટે લોકો અનુરોધ પણ કરી રહ્યા છે.

(12:18 pm IST)
  • મહારાષ્ટ્રમાં ધો.૧૦ અને ૧૨ બોર્ડની પરીક્ષા મુલત્વી રહી : વિદ્યાર્થીઓનું આરોગ્ય ઍ જ અમારી પ્રાથમિકતા : મહારાષ્ટ્ર સ્ટેટ બોર્ડની ધો.૧૦ અને ૧૨ની પરીક્ષાઓ કોવિડ મહામારીના પ્રકોપને લઈને ઉદ્ધવ ઠાકરે સરકારે મુલત્વી રાખી : કહ્ના કે તમારૂ આરોગ્ય ઍ જ અમારી સર્વોચ્ચ પ્રાથમિકતા access_time 3:10 pm IST

  • રાજકોટના ડીસીપી શ્રી મનોહરસિંહજી જાડેજા સહિત ૬૮ પોલીસ કર્મચારીઓને કોરોના પોઝીટીવ આવ્યો છે : તમામની તબિયત સ્થિર અને સારી હોવાનું જાણવા મળે છે : સૌ પત્રકાર મિત્રો અને પોલીસ કર્મચારીઅો પોતાની જવાબદારી સાથે પોતાનું વધુમાં વધુ ધ્યાન રાખે તે હિતાવહ છે access_time 12:02 pm IST

  • રાજકોટ શહેર - જિલ્લામાં કોરોનાનો વણથંભ્યો આતંક : આજે સાંજ સુધીમાં રાજકોટ શહેરમાં 405 અને ગ્રામ્યના 70 કેસ સાથે કુલ 475 નવા કોરોના ના કેસ નોંધાયા access_time 7:28 pm IST