Gujarati News

Gujarati News

News of Saturday, 12th January 2019

મોરબી અને વાંકાનેરમાં દરોડા : દારૂના જથ્થા સાથે એક આરોપીને ઝડપી ૯૮,૨૦૦નો મુદ્દામાલ જપ્ત

મોરબી તા. ૧૨ : મોરબીમાં મકરસંક્રાતિ પર્વ પૂર્વે એલસીબી ટીમે ત્રણ સ્થળોએ દરોડા કરીને દારૂનો જથ્થો જપ્ત કરીને એક આરોપીને ઝડપી લીધો છે.

મોરબી જીલ્લા પોલીસવડાની સુચનાથી એલસીબી ટીમ મકરસંક્રાતિ તહેવારોને અનુલક્ષીને પેટ્રોલિંગમાં હોય અને તહેવારો દરમિયાન દારૂની હેરાફેરી અને વેચાણ રોકવા પ્રયત્નશીલ હોય દરમિયાન બાતમીને આધારે વાંકાનેરના ભાયાતી જાંબુડિયા ગામે આરોપી યુવરાજસિંહ ઉફે ઘેલુભા ભીખુભા ઝાલાના મકાનમાં દરોડો કરીને ૨૦ બોટલ દારૂ કીમત ૬૦૦૦નો મુદામાલ જપ્ત કર્યો છે અને આરોપી વિરુદ્ઘ ગુન્હો નોંધાવ્યો છે. ઉપરાંત ભાયાતી જાંબુડિયા ગામે આરોપીની વાડીમાં દરોડો કરીને કુલ ૨૧૦ બોટલ દારૂ કીમત ૭૦,૪૦૦ અને બીયર ટીન ૨૦ કીમત ૨૦૦૦ મળી કુલ ૭૨,૪૦૦ નો મુદામાલ જપ્ત કર્યો છે.

ઉપરાંત મોરબીના પાનેલી ગામની સીમમાં આરોપી ભરત દેવાભાઈ અબાસણીયા રહે રાતાવીરડા તા. વાંકાનેર વાળાને ઝડપી લઈને ઈંગ્લીશ દારૂ બોટલ નંગ ૬૬ કીમત ૧૯,૮૦૦ નો મુદામાલ જપ્ત કર્યો છે જયારે આરોપી રસિક છનાભાઇ અબાસણીયા રહે. રાતાવીરડા તા. વાંકાનેર વાળાનું નામ ખુલતા તેને ઝડપી લેવા તપાસના ચક્રો ગતિમાન કર્યા છે.

(3:34 pm IST)
  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST