Gujarati News

Gujarati News

News of Saturday, 12th January 2019

જામકંડોરણામાં કેશુભાઇ પરમારને આપઘાત કરવા માટે મજબૂર કરનાર ત્રણ સામે ગુનો

વ્યાજ સહિત રકમ ચુકવી દીધા બાદ પણ પરેશાન કરતા પ્રૌઢે ઝેરી દવા પી લીધી'તીઃ રાજકોટનો દિનેશ બગડા, કિરીટ પટેલ અને તેના મામા સામે ગુનો

રાજકોટ તા. ૧ર :.. જામકંડોરણાના ચરેલ ગામમાં વ્યાજ સહિત રકમ ચૂકવી દીધા બાદ પણ પરેશાન કરી પ્રૌઢને મરવા માટે મજબુર કરનાર રાજકોટના ત્રણ શખ્સો સામે ફરીયાદ થઇ છે.

મળતી વિગત મુજબ ચરેલ ગામમાં રહેતો વિરલ કેશુભાઇ પરમાર (ઉ.ર૬) એ જામકંડોરણા પોલીસ મથકમાં નોંધાવેલી ફરીયાદમાં જણાવ્યું છે કે, પિતા કેશુભાઇ ગોવાભાઇ પરમારએ રાજકોટ આંબેડકરનગરના મુળ જામકંડોરણાના દડવી ગામના દીનેશ મુળજીભાઇ બગડા તથા કિરીટ પટેલ અને તેના મામા પાસેથી વ્યાજે પૈસા લીધા હતાં. પિતા કેશુભાઇએ રકમ ઉપર વધારે વ્યાજ લીધેલ હોઇ અને વ્યાજ ત્થા રકમ આપી દીધેલ છતાં આ ત્રણેય શખ્સો પિતાને હેરાન પરેશાન કરતા હોઇ, તેથી આ ત્રાસથી કંટાળી જઇ પિતા કેશુભાઇએ ગત તા. ૩૧-૧ર ના રોજ ઝેરી દવા પી આપઘાત કરી લીધો હતો. આ બનાવ અંગે એસ. ટી. એસ. સી. સેલ.ના ડીવાયએસપી એચ. એમ. મહેતાએ તપાસ આદરી છે. (પ-ર૦)

(12:06 pm IST)
  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST