Gujarati News

Gujarati News

News of Saturday, 12th January 2019

ગુરૂદેવ પાર્કના પટેલ શૈલેષભાઇ ટોપીયાનું બેભાન હાલતમાં મોત

મોરબી રોડ પર ઝૂપડામાં રહેતી મુળ કેશોદની આદિવાસી પરિણીતા રોશનીએ પણ બેભાન હાલતમાં દમ તોડ્યો

રાજકોટ તા. ૧૨: કુવાડવા રોડ પર ગુરૂદેવ પાર્ક-૯માં રહેતાં શૈલેષભાઇ ભવાનભાઇ ટોપીયા (ઉ.૪૫) નામના લેઉવા પટેલ આધેડ ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું.

હોસ્પિટલ ચોકીના જગુભા ઝાલાએ બી-ડિવીઝનમાં જાણ કરતાં પીએસઆઇ આર. એસ. સાકરીયાએ જરૂરી કાર્યવાહી કરી હતી. મૃત્યુ પામનાર શૈલેષભાઇ ચાર ભાઇ અને ત્રણ બહેનમાં નાના તથા અપરિણીત હતાં. તે પાનની કેબીન ચલાવતાં હતાં. તેમને ટીબીની બિમારી હતી. બનાવથી પરિવારમાં શોક છવાઇ ગયો હતો.

અન્ય બનાવમાં મોરબી રોડ જકાત નાકના પાસે રહેતી મુળ કેશોદની રોશનીબેન સંજય આદિવાસી (ઉ.૨૨)ને કિડનીની બિમારી હોઇ બેભાન થઇ જતાં પતિએ હોસ્પિટલમાં ખસેડી હતી. પરંતુ અહિ મોત નિપજતાં હોસ્પિટલ ચોકીના જગુભા ઝાલાએ બી-ડિવીઝનમાં જાણ કરતાં પીએસઆઇ સાકરીયાએ જરૂરી કાર્યવાહી કરી હતી. મૃતકના લગ્ન ચાર વર્ષ પહેલા થયા હતાં. (૧૪.૫)

(11:53 am IST)
  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST