Gujarati News

Gujarati News

News of Friday, 10th August 2018

ગારીયાધારની ગટરના પાણીના મામલે ગ્રામજનો દ્વારા શાળાની તાળાબંધી કરાઇ

ખોડવદરી ગ્રામજનોનો પ્રશ્નનું નિરાકરણ નહી આવે ત્યાં સુધી તાળા બંધી યથાવત રખાશેઃ સરપંચ

ગારીયાધાર તા.૧૦: તાલુકાના ગામે  ગારીયાધાર અંડર ગ્રાઉન્ડ ગટરના નિકાલ થતા પાણીના પ્રશ્નોને લઇને સરપંચ સહિત ગ્રામજનો દ્વારા પ્રાથમિક શાળાની તાળાબંધી કરી દેવામાં આવી હતી.

ગારીયાધાર અન્ડરગ્રાઉન્ડ ગટરનું દુષીત પાણીનો નિકલ ખોડવદરી ગામ તળાવના વહેણમાં થતો હોવાથી સમગ્ર ગ્રામ તળનું પાણી દુષિત થવાનો છેલ્લા ૫ વર્ષથી પ્રશ્ન ઉદ્દભવ્યો છે. આ દુષિત પાણીના કારણે સમગ્ર ખોડવદરી ગામ પીવાનું પાણી વેચાતું લેવું પડે છે. ગામતળનુ પાણી ખરાબ થઇ જવાના કારણે સમગ્ર ગ્રામજનોના શરીરો પર અળાઇઓ અને બાળકોમાં સફેદ ડાઘો જેવા ચામડીના રોગો જોવા મળે છે, માથાના વાળ ખરવા, અને ધાધર-ખરજવા જેવી બીમારીઓ સામાન્ય બનવા પામી છે. ગામમાં પ્રાથમિક શાળામાં ભણતા ૨૫૦ જેટલા બાળકો પણ પાણીના પ્રશ્નના કારણે ભારે હાલાકી વેઠી રહયા છે.

જયારે આ બાબતે ખોડવદરીના સરપંચ અબ્દુલભાઇ દલના જણાવ્યા પ્રમાણે આ પ્રશ્ન માટે તાલુકા વિકાસ અધિકારી, ચિફ ઓફિસર, આરોગ્ય વિભાગ, મામલતદાર કચેરી અને જિલ્લા કલેકટર સુધી ફરીયાદો કરવા છતાં પણ પ વર્ષમાં એકપણ વખત ખોડવદરીમાં ગટરના પાણીથી  ઉદ્દભવેલા પ્રશ્નોનું નિરાકરણ કરવામાં આવેલ નથી. માટે ગ્રામજનો સાથે ખોડવદરી પ્રાથમિક શાળાની તાળાબંધી કરવામાં આવી હતી. જયા સુધી ખોડવદરી ગ્રામજનોના આ પ્રશ્નનો નિકાલ નહી થાય ત્યાં સુધી તાળાબંધી ચાલુ રાખવામાં આવશે.

જયારે આ બાબતે ગારીયાધાર મામલતદાર મિનાક્ષીબેન જોષીનો સંપર્ક કરતા તેઓ મીટીંગમાં વ્યસ્તતા બતાવવામાં આવી હતી.

(11:45 am IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST