Gujarati News

Gujarati News

News of Friday, 11th June 2021

ઉના-દેલવાડા રોડ ઉપર વિચિત્ર અકસ્માતઃ ૨ યુવાનોના મોત

ગાય આડી ઉતરતા અથડાયેલુ ડબલ સવારી બાઈક ફંગોળાયુ અને તે સમયે પાછળથી પુરપાટ આવતુ ત્રીપલ સવારી બાઈક ભટકાયું

(નવીન જોષી દ્વારા) ઉના, તા. ૧૧ :. ઉના-દેલવાડા રોડ ઉપર વિચિત્ર અકસ્માતમાં રસ્તામાં આડે ગાય આડી ઉતરતા ડબલ સવારી બાઈક ફંગોળાય ગયેલ અને તે સમયે પાછળથી પુરપાટ આવતુ બીજુ ત્રિપલ સવારી બાઈક અથડાય જતા ૨ યુવાનો ફરીદભાઈ ફિરોજભાઈ પઠાણ રહે. નારીયા માંડવી અને ભાણજીભાઈ દેવશીભાઈ ડાભી રહે. ગરાળ બન્ને યુવાનોના મોત નિપજ્યા હતા.

ઉના-દેલવાડા રોડ ઉપર ઉનાથી ૬ કિ.મી. દૂર સાહિલભાઈ ઉસ્માનભાઈ શેખ રે. નારિયા માંડવી તેના મિત્ર ફરીદભાઈ ફિરોજભાઈ પઠાણને જીજે ૩૨એલ ૬૮૫૦ નંબરના બાઈક ઉપર પાછળ બેસાડીને નારીયા માંડવીથી દેલવાડા તરફ આવતા હતા ત્યારે રાત્રીના રસ્તામાં ગાય આડી ઉતરતા તેમનુ બાઈક ગાય સાથે અથડાયને ફંગોળાય ગયુ હતું અને કમનસીબે તે સમયે પાછળથી પુરપાટ આવતુ બીજુ બાઈક (જીજે ૩૨એન ૬૦૮૪) આગલા બાઈક સાથે અથડાતા વિચિત્ર અકસ્માત થયો હતો અને આ અકસ્માતમાં પ્રથમ બાઈક જીજે ૩૨એલ ૬૮૫૦ પાછળ બેઠેલા ફરીદભાઈ ફિરોજભાઈ પઠાણનું મોત નિપજ્યુ હતું. પાછળથી પુરપાટ આવેલ અને અકસ્માતમાં બીજી બાઈકના ચાલક ભાણજીભાઈ દેવશીભાઈ ડાભીનું ગંભીર ઈજા બાદ મોત નિપજ્યુ હતુ.

આ અકસ્માતમાં પાછળથી પુરપાટ આવતા બાઈક સવાર મરણ જનાર ભાણજીભાઈ દેવશીભાઈ ડાભી રે. ગરાળવાળા સામે બેફીકરાઈથી બાઈક ચલાવીને આગળના બાઈક સાથે અથડાવી ફરીદભાઈનું મોત નિપજાવ્યાની પોલીસ ફરીયાદ સાહીલભાઈ ઉસ્માનભાઈ શેખ રે. નારીયા માંડવીવાળાએ નોંધાવી છે.

(11:46 am IST)
  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST