Gujarati News

Gujarati News

News of Saturday, 9th June 2018

ખેડુતોના પ્રશ્નોને વાચા આપવા લોધીકા કોંગ્રેસની વિશાળ રેલી-ધરણા-રજુઆતઃ ૩૮ ગામોના આગેવાનો ઉમટી પડયા

રાજકોટઃ સૌરાષ્ટ્ર-ગુજરાતના ખેડુતોના પ્રશ્નો હાલમાં વિકટ બન્યા છે. આડેધડ જમીન સંપાદન, વિજળી-પાણી-ખાતર-બિયારણના ભાવોમાં વધારો અને ખેત ઉત્પાદનના અપોષણક્ષમ ભાવો જેવી ખેડુતોની સમસ્યાઓથી  સતાધારી સરકાર ખેડુતોથી મ્હો ફેરવી રહી છે. ત્યારે તંત્રને ઢંઢોળવા ગઇકાલે લોધીકા તાલુકા કોંગ્રેસ પ્રમુખ હરીશચંદ્રસિંહ જાડેજા, જિલ્લા પંચાયતના સદસ્યો, તાલુકા પંચાયતના સદસ્યો, કોંગ્રેસના વરિષ્ઠ આગેવાનો, સરપંચો અને ખેડુત આગેવાનો દ્વારા વિશાળ રેલી કાઢવામાં આવી હતી. આ રેલી પાછળથી ધરણામાં પરીવર્તીત થઇ હતી. ખેડુતોના પ્રશ્ને સુત્રોચ્ચાર પણ કરવામાં આવ્યા હતા. એક વિસ્તૃત આવેદન તાલુકા મામલતદારને પાઠવવામાં આવ્યું હતું. જેમાં કોંગ્રેસના સિનીયર આગેવાનો વિક્રમભાઇ કાંગશીયાળી, મેઘાભાઇ સવજીભાઇ પરમાર સહિત ૩૮ ગામોના કોંગ્રેસ આગેવાનો જોડાયા હતા.(૪.૨)

(12:50 pm IST)
  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST