Gujarati News

Gujarati News

News of Saturday, 9th June 2018

ભાવનગરમાં નગરસેવિકા, તેના પતિ સહિત ટોળા દ્વારા દુકાનમાં તોડફોડ : રોકડની લૂંટ

ભાવનગર, તા. ૯ : કરચલીયાપરા વોર્ડના નગરસેવિકાના પતિ પર હુમલાની ઘટના બાદ નગરસેવિકા તથા તેના પતિ સહિતના ટોળાએ તિલકનગર વિસ્તારમાં આવેલ પાનની દુકાનમાં તોડફોડ કરી હતી.

કરચલીયાપરા વોર્ડના નગરસેવિકા ગવુબેન ચૌહાણના પતિ કાનજીભાઇ ચૌહાણ પર હુલાની ઘટના બાદ આજે ગવુબેન તથા તેમના પતિ કાનજીભાઇ સહિત ૮ થી ૧૦ વ્યકિતના ટોળાએ તિલકનગર, દેવીપુજક વાસના મેલડી માતાજીના મંદિર પાસે આવેલ ચામુંડા પાન નામની દુકાનમાં તોડફોડ કરી હતી.

આ બનાવ અંગે આશાબેન તથા તેના સાસુએ માહિતી આપી હતી.

દુકાનમાં તોડફોડ કરનાર ટોળુ રૂ. ર૦થી રપ હજાર જેવી રકમ પણ લઇ ગયાનું હોવાનું  આશાબેને જણાવ્યું હતું.

(11:37 am IST)
  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST