Gujarati News

Gujarati News

News of Friday, 8th June 2018

સુત્રાપાડાના નવાગામે આવેલ ગુરૂકુળ જાગૃત સંઘ આશ્રમની સામે ગેરકાયદેસર દબાણઃ રમેશગીરી બાપુ દ્વારા આત્મવિલોપનની ચિમકી

તસ્વીરમાં આશ્રમની સામે બિન કાયદેસર બાંધકામ નજરે પડે છે. અને આત્મ વિલોપન ની ચિમકી આપનાર રમેશબાપુ નજરે પડે છે. (તસ્વીરઃ દેવાભાઇ રાઠોડ)

પ્રભાસ પાટણ તા.૮: સુત્રાપાડા તાલુકાના નવાગામ ગામે આવેલ ગુરુકુળ જાગૃત સંઘ નામનો આશ્રમના સાધુ રમેશગીરી ગુરુરામગીરી ચલાવે છે. તેમજ ગોૈશાળા અને ગાયોની સેવા કરે છે પરંતુ આ આશ્રમના ગેટની સામે ગેરકાયદેસર બાંધકામ કરવાની તજવીજ શરૂ કરેલ છે. જેની અઆશ્રમની સામેની પાર્કિગ જગ્યામાં દબાણ કરવા વારંવાર પ્રયત્નો કરવામાં આવે છે. અને આશ્રમમાં સંચાલકો સામે ગેર વર્તણૂંક અને ભુંડી ગાળો બોલે છે. જેથી આશ્રમના સંચાલક રમેશભાઇ પી. ડોડીયા ઉર્ફે સાધુ રમેશગીરી ગુરૂરામ ગીરી એ હમીરભીખા બામણીયા, સરમણ હમીર બામણીયા, વજુ હમીર બામણીયા, રણસી હમીર બામણીયા, અને રાજુ હમીર બામણીયા વિરૂધ્ધમાં પોલીસ સ્ટેશન સુત્રાપાડા, એસ.પી. ગીર-સોમનાથ, મામલતદાર સુત્રાપાડા, આઇ.જી. દક્ષિણ રેન્જ જુનાગઢ, જિલ્લા કલેકટર ઇણાજ ને રજુઆત કરેલ છે. અને જણાવેલ કે આ લોકો માથાભારે છે. અને અમે એકલા ગોેશાળા અને આશ્રમમાાં ધાર્મિક સેવા પુજાનું કામ કરીએ છીએ આ કામમાં આરોપીઓ વાંરવાર રોડા નાખે છે. અને ધરાર કબજો કરવા આવે છે તેમજ જીવલેણ હુમલો કરે તેવી અમોને દહેશત છે.

આ બાબતે લાગતા વળગતા અધિકારીઓ પગલા નહિ ભરે તો સાધુ રમેશગીરી કલેકટર કચેરી ઇણાજ ખાતે આત્મ વિલોપન કરવાની ચિમકી આપેલ છે.

(11:31 am IST)
  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST

  • રાહુલ ગાંધી અને તેજસ્વી યાદવ વચ્ચે દિલ્હીમાં મુલાકાત :બંને નેતાઓ વચ્ચે 40 મિનિટ સુધી ચર્ચા : બંનેની મિટિંગમાં બિહારમાં મહાગઠબંધન વધુ મજબૂત કરવા અને 2019ની લોકસભા ચૂંટણીમાં જબર લડત આપવા વિચારણા access_time 1:20 am IST

  • જાપાન દ્વારા લોકનનો પ્રથમ હપ્તો આપવા તૈયારી: બુલેટ ટ્રેન પ્રોજેક્ટ આગળ વધે છેઃ આવતા મહિને મળશે ૧૮૦૦ કરોડઃ ટેન્ડર પ્રક્રિયા શરૂ access_time 10:30 am IST