Gujarati News

Gujarati News

News of Saturday, 7th July 2018

ધોરાજીમાં વાલ્મીકી યુવાને ગળાફાંસો ખાઇ જીવન ટૂંકાવ્યું

ધોરાજી, તા. ૭ : પોસ્ટ ઓફીસ ચોક નજીક આવેલા ગાંધીવાસમાં વાલ્મીકી યુવાને ગળાફાંસો ખાઇ લેતા સમગ્ર વિસ્તારમાં શોકનું મોજુ પ્રસરી ગયું હતું. સ્ટેશન બીટ જમાદાર બી.એચ. ગંભીરએ જણાવેલ કે ગાંધીવાસમાં રહેતા કાંીતભાઇ પ્રેમજીભાઇ વાઘેલા ઉ.વ.૪૦ તેમના ઘરે પોતાના રૂમમાં સાડી વળે ગળાફાંસો ખાધેલી હાલતમાં મળી આવ્યા હતાં. મૃતક કાંતિભાઇ વાઘેલાને બે પુત્રો છે જે મજુરી કામ કરી રહ્યા છે અને કાંતિભાઇના પત્ની હાલ હયાત નથી. એકલવાયુ જીવન અને બેરોજગારીથી કંટાળી પગલુ ભર્યું હોવાની પ્રાથમિક વિગતો જાણવા મળી હતી. તપાસ બી.એમ. ગંભીરે હાથ ધરી છે.

રોધેલમાં દારૂ પકડાયો

જામકંડોરણા પીએસઆઇ ગોજીયાને મળેલ ચોક્કસ બાતમીના આધારે જામકંડોરણા તાલુકાના રોધેલ ગામે અનિરૂદ્ધસિંહ પ્રવિણસિંહ જાડેજા ઉ.વ.ર૧ વાળાના રહેણાક મકાનમાં દારૂ છુપાવાયો હોવાથી પીએસઆઇ ગોજીયા અને સ્ટાફે ઘટની તલાશી લેતા રહેણાક મકાનમાં ખાડો કરી દાટી દેવાયેલો ૧ પેટી અંગ્રેજી બનાવટનો દારૂ કિંમત અંદાજે ૩૩૦૦/-ની કિંમતનો મળી આવેલ. આ સાથે જામકંડોરણા પોલીસે આરોપીની અટકાયત કરી આરોપીના રીમાન્ડ અર્થે તજવીજ હાથ ધરી હતી.

(12:44 pm IST)
  • વલસાડમાં જેટકો નામની સાહી બનાવતી કંપનીમાં લાગી ભયાનક આગ : ફેકટ્રી આસપાસના રસ્તાઓ કરાયા બંધ : નજીકની ફેકટ્રીઓમાં કામ કરતા કામદારોને પણ દૂર ખસેડાયા : કંપનીમાં થઈ રહ્યા છે જોરદાર ધડાકા : કંપનીમાં મોટી માત્રામાં અત્યંત જ્વલનશીલ પદાર્થનો સંગ્રહ હોવાનું જાણવા મળી રહ્યું છે access_time 7:04 pm IST

  • રાજકોટમાં ગુજરીબજારમાં થયેલ લૂંટ નર્યું નાટક:મહિલાને પૈસાની જરૂર હોય કોલકાતાથી આવેલ કાકાના પૈસા બોયફ્રેન્ડને પહોંચાડવા માટે પૂર્વયોજિત રીતે કારસ્તાન ઘડ્યું હતું : છરીના છરકા લૂંટારૃઓએ લૂંટ કર્યાનું નાટક ખુલ્યું :ફરિયાદી યુવતીએ જાતે જ બ્લેડના છરકા કરીને પોતાને ઇજા પહોચાડેલ ;પ્રાથમિક દ્રષ્ટિએ જ શંકસ્સ્પદ લાગતી ફરિયાદમાં દૂધનું દૂધ અને પાણીનું પાણી કરતી એ ડિવિઝન, ક્રાઇમ બ્રાન્ચ અને પોલિસ કમિશનર અનુપમસિંહ ગેહલોટ access_time 11:25 pm IST

  • સતત ચોથા દિવસે પણ ગોવામાં ભારે વરસાદ : નાગપુર વિમાની સેવાને અસરઃ ૧૯૯૪ બાદ ગોવામાં સૌથી ભારે વરસાદઃ કોંકણ-વિદર્ભ માટે રેડ એલર્ટ જાહેર કરાયું : પણજી, માપુસા, વાસ્કો અને મડગાવમાં સતત ધોધમાર વરસાદઃ નીંચાણવાળા વિસ્તારોમાં ઘરમાં પાણી ઘુસ્યા access_time 1:27 pm IST