Gujarati News

Gujarati News

News of Saturday, 7th July 2018

જૂનાગઢ લાયન્સના હોદ્દેદારોની શપથ વિધી

 જૂનાગઢ : લાયન્સ કલબ જૂનાગઢ રૂદ્રાક્ષના વર્ષ ૨૦૧૮-૧૯ના નવા વર્ષના હોદ્દેદારોનો શપથવિધિ સમારોહ યોજાયો હતો. પ્રમુખ તરીકે જીએસપી સ્કુલના સંચાલક પારસભાઇ પાનસુરીયાએ શપથ લીધા હતા. લાયન્સ કલબ ઇન્ટરનેશનલ ડી. ૩૨૩૨-જે ના હોદ્દેદારોની હાજરીમાં લાયન્સ કલબ જૂનાગઢ રૂદ્રાક્ષના વર્ષ ૨૦૧૮-૧૯ના હોદ્દેદારોનો પદ ગ્રહણ સમારોહ જૂનાગઢના ધારાસભ્ય ભીખાભાઇ જોષી અને જૂનાગઢના મેયર આદ્યશકિતબેન મજમુદાર તેમજ જૂનાગઢના આઇજી એમ.એમ.અનારવાલાની ઉપસ્થિતિમાં યોજાઇ ગયેલ. નવા વર્ષના પ્રમુખ અને તેની ટીમને ભુજથી પધારેલ પીડીજી ભરતભાઇ મહેતાએ પદગ્રહણ શપથ ગ્રહણ કરાવેલ અને લાયન્સ કલબ રૂદ્રાક્ષની ટીમને બિરદાવેલ.ભીખાભાઇ જોષી અને મેયર આદ્યશકિતબેન મજમુદારે લાયન્સ કલબ રૂદ્રાક્ષને કોઇપણ પ્રકારની જરૂર પડે ત્યારે મદદની ખાતરી આપેલ. ધીરૂભાઇ રાણપરીયાએ ઉતરોતર પ્રગતિ કરે તેવા આર્શિવાદ આપેલ. ભુજથી પધારેલ મીનાબેન મહેતાએ કલબની પ્રવૃતિથી પ્રભાવિત થયેલ. સ્વાગત પ્રવચન વિદાય લઇ રહેલા પ્રમુખ રમેશભાઇ રામાણીએ કર્યુ હતુ. સમારંભનું ઉદઘાટન કરવામાં આવ્યું તે તસ્વીર.

(11:54 am IST)
  • વલસાડમાં જેટકો નામની સાહી બનાવતી કંપનીમાં લાગી ભયાનક આગ : ફેકટ્રી આસપાસના રસ્તાઓ કરાયા બંધ : નજીકની ફેકટ્રીઓમાં કામ કરતા કામદારોને પણ દૂર ખસેડાયા : કંપનીમાં થઈ રહ્યા છે જોરદાર ધડાકા : કંપનીમાં મોટી માત્રામાં અત્યંત જ્વલનશીલ પદાર્થનો સંગ્રહ હોવાનું જાણવા મળી રહ્યું છે access_time 7:04 pm IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST