Gujarati News

Gujarati News

News of Saturday, 7th July 2018

ઉનામાં વરસાદ બાદ ઠેર-ઠેર ખાડાં

ઉના તા.૭ : ત્રિકોણબાગથી વડલી ચોક સુધીનો નેશનલ હાઇવે રોડમાં માત્ર પાંચ ઇંચ વરસાદમાં મોટા ખાડાઓ પડી જતા વાહન ચાલકોના અકસ્માતના બનાવો વધ્યા છે.

શહેરમાંથી પસાર થતો સોમનાથ ભાવનગર રોડ, ત્રિકોણબાગથી આગળ પેટ્રોલપંપ સામે, એસટી બસ સ્ટેશન સામે, વડલીચોકમાં ધારાસભ્યના કાર્યાલય સામે, છેલ્લા એક વર્ષથી ભુગર્ભ ગટરના કામ વખતે ખોદાયેલ રોડ રીપેર થયો નથી. તેમાય છેલ્લા ર દિવસથી પાંચ ઇંચ વરસાદ વરસી જતા મોટા ર ફુટ પહોળા ૦ાા ફુટ ઉંડા ખાડા પડી જતા વાહનચાલકો જેમાં મોટર સાયકલ ચાલકો તથા સાયકલ ચાલકો પસાર થાય છે ત્યારે ખાડામાં પાણી ભરેલ હોય રોડ ઉપર પાણી હોય ત્યારે પડવાના બનાવો અકસ્માતના બનાવો વધ્યા છે. કોઇને મોટી ઇજા કે જાનહાની થાય તે પહેલા નેશનલ હાઇવેના અધિકારી વોટરપ્રુફ કાંકરીથી બુરી લેવલીંગ કરાય તેવી માંગણી ઉઠી છે.

નદીના પુલ ઉપર પણ ડામરરોડમાં મોટાખાડા પડી ગયા છે. ગત વર્ષે આ ખાડા બુરવા ઉનાના ધારાસભ્ય પુંજાભાઇ વંસે ખાડામાં બેસી ચકકાજામ આંદોલન કરેલ છે. વહેલી તકે ખાડા બુરી લોકોને રાહત અપાવે તેવી માંગણી ઉઠી છે.

(11:45 am IST)
  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST

  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST