Gujarati News

Gujarati News

News of Saturday, 5th December 2020

લગ્નના એક મહિના પહેલા બાબરાના ફુલઝરમાં રમેશનો ઝેર પી આપઘાત

મુળ એમપીના યુવાને રાજકોટ હોસ્પિટલમાં દમ તોડ્યો

રાજકોટ તા. ૫: બાબરાના ફુલઝર ગામે રહી ખેત મજૂરી કરતાં મુળ એમપીના રમેશ સાગરભાઇ રાઠોડ (ઉ.વ.૨૦) નામના યુવાને અગમ્ય કારણોસર ઝેરી દવા પી આપઘાત કરી લેંતા મજૂર પરિવારમાં શોક છવાઇ ગયો હતો. આ યુવાનની સગાઇ થઇ ચુકી હતી અને એક મહિના બાદ તેના લગ્ન થવાના હતાં. રમેશ અને તેના પરિવારજનો મધ્યપ્રદેશથી ફુલઝર ગામે પેટીયુ રળવા આવ્યા હતાં. અહિ તે પરષોત્તમભાઇ નાકરાણીની વાડીમાં રહી મજૂરી કરતો હતો. ગઇકાલે તેણે ઝેરી દવા પી લેતાં બાબરા સારવાર અપાવી રાજકોટ સિવિલમાં ખસેડાયો હતો. પરંતુ અહિ સવારે દમ તોડી દીધો હતો.

તે ત્રણ બહેન અને બે ભાઇમાં નાનો હતો. એક મહિના પછી તેના લગ્ન થવાના હતાં. કારણ અંગે સ્વજનો પણ અજાણ હોઇ બાબરા પોલીસે વધુ તપાસ હાથ ધરી છે.

જેતપુર-ખીરસરામાં લાભુબેન ઝેર પી ગયા

બીજા બનાવમાં જેતપુરના ખીરસરા ગામે રહેતાં લાભુબેન રઘુભાઇ મોરી (ઉ.વ.૫૧) કોઇ કારણોસર ઝેરી દવા પી જતાં રાજકોટ સિવિલમાં ખસેડાતાં ચોકીના સ્ટાફે જેતપુર જાણ કરી છે.

મોરબીના ચાંચાપરમાં જાલુભાઇને ગોરધને ધોકાવ્યો

મોરબીના ચાંચાપરમાં રહેતાં જાલુભાઇશુકલભાઇ ડામોર (ઉ.વ.૪૦)ને ગામમાંગોરધનભાઇ ડામોરે જુના ઝઘડાનો ખાર રાખી ધોકાથી માર મારતાં રાજકોટ સિવિલ હોસ્પિટલમાં દાખલ કરાયેલ છે.

(11:49 am IST)
  • દેશભરમાં આરટી-પીસીઆર ટેસ્ટનો સમાન દર રાખવા સુપ્રીમ કોર્ટમાં માગણી: બેફામ લેવાયેલ રકમો પરત અપાવવા રીટ પીટીશન : દેશભરમાં ખાનગી લેબોરેટરીઓ અને હોસ્પિટલો દ્વારા કોરોના અંગેના "આરટી-પીસીઆર" ટેસ્ટના બેફામ ભાવો કટકતાવવામાં આવ્યા છે તે પરત અપાવવા અને દેશભરમાં કોરોના ટેસ્ટ માટે ૪૦૦ રૂપિયાનો સમાન દર રાખવા માટેના હુકમ ફરમાવવા માગણી કરતી એક રિટ પિટિશન સુપ્રીમ કોર્ટમાં કરવામાં આવી છે. access_time 2:37 pm IST

  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST

  • શિરોમણિ અકાળી દળના નેતા હરસિમરત કૌર બાદલની તબિયત લથડી :ચંદીગઢની હોસ્પિટલમાં દાખલ કરાયા : શ્વાસ લેવામાં તકલીફ access_time 11:50 pm IST