Gujarati News

Gujarati News

News of Friday, 5th March 2021

રાજુલા-જાફરાબાદ પંથકમાં જીઆઇડીસી-દિપડાનું મેગા રેસ્‍કયુ સેન્‍ટર બનાવાશે : અંબરીશ ડેરની સફળ રજુઆત

રાજુલા, તા, પઃ રાજુલા-જાફરાબાદના ધારાસભ્‍ય અંબરીશભાઇ ડેર દ્વારા અગાઉના વિધાનસભા સત્રમાં જીઆઇડીસી રાજુલા વિસ્‍તારમાં આવે તેવી તથા રેસ્‍કયુ સેન્‍ટર બનાવવા માટેની રજુઆતો કરેલ હતી.

જેના અનુસંધાને આગામી બજેટમાં પીપાવાવ ખાતે જીઆઇડીસીને સરકાર દ્વારા મંજુરી આપેલ છે. આ જીઆઇડીસી પીપાવાવમાં આવે તો આજુબાજુના અને તાલુકાના યુવાનોને રોજગારી પણ મળી રહે જેથી ચુંટણી સમયે શ્રી ડેર દ્વારા આપવામાં આવેલ ૧ર મુદાઓમાનો એક મુદો રોજગારીનો પણ હતો જેથી પોતે આપેલા વચનોને પુર્ણ કરવાનો શ્રી ડેર દ્વારા ભરપુર પ્રયત્‍ન કરેલ છે.

આ જીઆઇડીસીનો બજેટમાં સમાવેશ થતા રાજુલા વિસ્‍તારમાં ખુશીની લહેર વ્‍યાપી ગયેલ છે.

આ ઉપરાંત શ્રી ડેર દ્વારા રાજુલા વિસ્‍તાર રેસ્‍કયુ સેન્‍ટર અંગે પણ માંગ કરેલ હતી. જેને સરકારે આ બજેટમાં સમાવેશ કરીને  દિપડાઓનું રેસ્‍કયુ સેન્‍ટર ૭ કરોડના ખર્ચે આગામી દિવસોમાં બનાવવામાં આવશે તેવી જાહેરાત પણ સરકારે કરેલ હોય શ્રી ડેર દ્વારા પોતાની રજુઆતોને ધ્‍યાને લઇને સરકાર દ્વારા જીઆઇડીસી અને રેસ્‍કયુ સેન્‍ટરને મંજુરી આપતા સરકારનો આભાર માનેલ છે.

 

(1:17 pm IST)
  • સ્વાતિ મોહને સ્ટાર ટ્રેકનો પ્રથમ એપિસોડ જોયો અને નાસા તરફનું પ્રયાણ શરૂ થયું :ભારતીય મૂળની અમેરિકન એરોસ્પેસ એન્જિનિયર સ્વાતિ મોહન, કે જેમણે મંગળની ધરતી ઉપર નાસાનું પ્રિઝર્વન્સ રોવર યાનના સફળ ઉતરાણમાં મહત્વનો ભાગ ભજવ્યો હતો, તેણે અમેરિકી પ્રમુખ જો બાયડનને કહ્યું હતું કે પોતે બાળક હતી ત્યારે સ્ટાર ટ્રેકનો પ્રથમ એપિસોડ જોયો હતો, ત્યારથી અમેરિકન સ્પેસ એજન્સી માટેનું તેનું પ્રયાણ શરૂ થઇ ગયેલ... access_time 4:39 pm IST

  • નરેન્દ્રભાઇની હાજરીમાં મિથુનદા ભાજપમાં જોડાશે : બોલીવુડના સુપ્રસિધ્ધ અભિનેતા મિથુન ચક્રવર્તી ભાજપમાં જોડાઇ રહયા છે. તેઓ કોલકતા ખાતે વડાપ્રધાન નરેન્દ્રભાઇ મોદીની હાજરીમાં કેસરીયો ખેસ ધારણ કરશે. access_time 4:39 pm IST

  • ભારતીય ઉદ્યોગપતિ રમેશ રામકૃષ્ણન દ્વારા પ્રમોટ કરાયેલ દુબઈ સ્થિત ટ્રાંસવર્લ્ડ ગ્રૂપે રાજ્ય માલિકીની સાગરમાલા ડેવલપમેન્ટ કંપની લિ. સાથે ગુજરાતમાં કાર્ગો કન્ટેનર મેન્યુફેક્ચરિંગ સુવિધા રૂ. 200 કરોડના રોકાણ સાથે બનાવવા માટે કરાર કર્યો છે : આ યોજના આત્મનિર્ભાર ભારત પહેલના ભાગરૂપે, ચીન દ્વારા વર્ચસ્વ ધરાવતા કાર્ગો કન્ટેનર બિઝનેસમાં ભારતના પ્રવેશને ચિહ્નિત કરે છે. access_time 10:32 pm IST