Gujarati News

Gujarati News

News of Friday, 5th March 2021

ઉનાના કોબ અને ચીખલીની સરકારી જમીન ઉપર ગેરકાયદે ઝીંગા ઉછેર કેન્દ્ર ઉભુ કરનારા ૬ વ્યકિતઓ સામે લેન્ડ ગ્રેબીંગનો ગુન્હો

(નવીન જોષી દ્વારા) ઉના, તા. ૫ :. તાલુકામાં સૌ પ્રથમવાર નવાબંદર મરીન પોલીસ સ્ટેશનમાં ઉનાના મામલતદારશ્રીએ કોબ, ચીખલી ગામની સરકારી જમીન ઉપર વરસોથી ગેરકાયદે કબ્જો કરી ઝીંગા ઉછેર કેન્દ્ર બનાવી લાખો રૂપિયાનો આર્થિક લાભ મેળવ્યાની ૬ લોકો સામે ફરીયાદ નોંધાવતા ભૂમાફીયામાં ફફડાટ વ્યાપી ગયેલ છે.

ઉના નવાબંદર મરીન પોલીસ સ્ટેશનમાં ઉનાના તાલુકા મામલતદાર કનુભાઈ એમ. નિનામાએ પીએસઆઈ કે.વી. પરમારની રૂબરૂમાં પોલીસ ફરીયાદ નોંધાવી હતી કે ઉના તાલુકાના કોબ ગામના લખમણભાઈ માંડણભાઈ ભાલીયા રે. કોબ (૨) જેસીંગભાઈ અરશીભાઈ શીંગડ રે. લેરકા (૩) બીજલભાઈ બચુભાઈ બાંભણીયા રે. પાલડીવાળાએ કોબ ગામની સરકારી જમીન સર્વે નંબર ૯૨ પૈકી ૧ જમીન આશરે દોઢ વિઘામાં ગેરકાયદેસર કબ્જો કરી જીંગા ઉછેર કેન્દ્ર બનાવી તલાવડી, પાઈપ નાખી બિનઅધિકૃત રીતે ૩ વર્ષથી કબ્જો જમાવી લાખો રૂપિયાનો આર્થિક લાભ મેળવી પેશકદમી કરેલ હોય ગુજરાત જમીન પચાવી પાડવા પર પ્રતિબંધિત નિયમ ૪(૩), ૫(ગ) મુજબ ગુનો નોંધવાની ફરીયાદ આપતા નવાબંદર મરીન પોલીસે ગુનો નોંધી આરોપીને પકડવા ડી.વાય.એસ.પી. પરમાર તપાસ કરી રહ્યા છે.

બીજા ગુનામાં ઉના મામલતદાર કનુભાઈ એમ. નીનામા પોતે ફરીયાદી બની આરોપી (૧) જીવાભાઈ ભીમાભાઈ બાંભણીયા રે. ચીખલી (૨) લાભુબેન રાજાભાઈ કામળીયા રે. ચીખલી (૩) જેમલભાઈ લાખાભાઈ બાંભણીયા રે. ચીખલીવાળાએ આ ૩ આરોપીઓએ ઉના તાલુકાના કોબ ગામના સર્વે નંબર ૨૪ પૈકી ૭ તથા સર્વે નંબર ૨૪ પૈકી-૮ તથા ચીખલી ગામની સીમમાં સરકારી જમીન સર્વે નંબર ૧૫૩(૨) તથા સર્વે નંબર ૧૬, ૫(૧)વાળી જમીન ઉપર છેલ્લા અગીયાર વર્ષથી બિનઅધિકૃત રીતે કબ્જો જમાવી ૩૦ વિઘા જમીન ઉપર ગેરકાયદેસર ઝીંગા ઉછેર કેન્દ્ર બનાવી તળાવડી બનાવી, ગટર કરી, પાઈપ નાખી, ઝીંગાનો ઉછેર કરી લાખો રૂપિયાનો આર્થિક લાભ મેળવી સરકારની જમીન ઉપર કબજો જમાવેલ હોય તેની સામે પણ ગુજરાત જમીન પચાવવા ઉપર પ્રતિબંધ નિયમ ૪(૩), ૫(ગ) મુજબ લેન્ડ ગ્રેબીંગ કાયદા મુજબ ગુનો દાખલ કરવા ફરીયાદ આપતા નવાબંદર મરીન પોલીસે ગુના નંબર ૯૮/૨૦૨૧ અને ૯૯/૨૦૨૧થી ગુજરાત લેન્ડ ગ્રેબીંગનો ગુનો દાખલ કરેલ છે. આરોપીને પકડવા જીલ્લાના ડીવાયએસપી શ્રી પરમાર વધુ તપાસ કરી છે.

(10:20 am IST)
  • બંગાળની બેટીએ સ્વીકાર્યો પડકાર , હવે ભાજપનો વારો: તૃણમૂલ કોંગ્રેસના વરિષ્ઠ નેતા અને મમતા સરકારમાં પંચાયત રાજ પ્રધાન સુબ્રતો મુખરજીએ કહ્યું પશ્ચિમ બંગાળના મુખ્ય પ્રધાન, ટીએમસી નેતા મમતા બેનર્જીએ ભાજપના પડકારને સ્વીકારી 11 માર્ચે નંદીગ્રામથી ચૂંટણી લડશે હવે ભાજપનો વારો છે. બરાબર જ્યારે તે મેદાનમાં આવે : મંત્રીએ કહ્યં કે બંગાળમાં ખોટા ખબરો અને ખોટા તથ્યોની રાજનીતિ નહીં ચાલે access_time 12:22 am IST

  • આવતીકાલે પણ સંતો - મહંતોની મીટીંગ : આ વખતે જૂનાગઢમાં મહાશિવરાત્રીનો મેળો બંધ રાખવાના મામલે સાધુ સંતોમાં વિરોધ વંટોળ ઉઠ્યો છે ત્યારે આ મામલે આવતીકાલે સવારે ૧૦ વાગ્યે ફરી સાધુ સંતોની મીટીંગ મળનાર છે. જેમાં વેપારી એસોસીએશન, પાથરણાવાળા વિ. આ મીટીંગમાં જોડાશે અને શિવરાત્રીનો મેળો બંધ રાખવા મામલે વિરોધ વ્યકત કરશે. access_time 2:33 pm IST

  • નીતિનભાઈ પટેલ અને તેમના પત્નીઍ કોરોના વેક્સિનનો પ્રથમ ડોઝ લીધો : અમદાવાદ શહેરની સોલા સિવિલ હોસ્પિટલમાં રાજયના ઉપમુખ્યમંત્રી નીતિનભાઈ પટેલ અને તેમના ધર્મપત્નિઍ આજે કોરોનાની વેક્સીન મૂકાવી હતી : લોકોને પણ આ વેક્સીન મૂકાવવા અપીલ તેમણે કરી હતી access_time 11:29 am IST