Gujarati News

Gujarati News

News of Friday, 5th March 2021

કચ્છમાં આપઘાતના બનાવોમાં ચાર મોત : કુકમા ગામે દંપતીએ ઝેરના પારખા કરતાં પત્નીનું મોત : પતિ બેભાન

માંડવીમાં યુવાને, પદમપુર અને ધાણેટી ગામે પરિણીતાઓએ જીવ દીધો

(વિનોદ ગાલા દ્વારા) ભુજ,તા. ૫ :  આજની પેઢીમાં જીવનમાં આવતા ચડાવઉતાર વચ્ચે ધીરજ અને સહનશકિત ઘટી રહી છે, પરિણામે નાની મોટી મુશ્કેલીનો સામનો કરવાને બદલે આત્મહત્યા કરવાના બનાવો ચિંતાજનક રીતે વધી રહ્યા છે.

ભુજના કુકમા ગામે રહેતા ૩૫ વર્ષીય યુવા દંપતી મીનાબેન હિતેશ પ્રજાપતિ અને હિતેશ અરજણ પ્રજાપતિએ ઝેરી દવા પી લીધી હતી. જે પૈકી મીનાબેન નું ભુજની જી.કે. જનરલ હોસ્પિટલમાં સારવાર દરમ્યાન મોત નીપજયું હતું. પતિ હિતેશ પ્રજાપતિ બેભાન હોઈ સારવાર હેઠળ છે.

આપઘાતનું કારણ જાણવા મળ્યું નથી. માંડવીના મોડકુબા ગામે નર્મદા કેનાલમાં પુલિયા નીચે લટકી ગળે ફાંસો ખાઈ ૨૪ વર્ષીય યુવાને પોતાનો જીવ દીધો હતો. આત્મહત્યા કરનાર યુવાન માંડવીના ગોધરા ગામનો ઈશ્વર કેશવજી માતંગ હોવાનું પોલીસે જણાવ્યું છે. જોકે, આપઘાતનું કારણ જાણવા મળ્યું નથી.

અન્ય બીજા બે બનાવોમાં માંડવીના પદમપુર ગામે વાડીમાં રહી ખેતમજૂરી કરનાર ૨૦ વર્ષીય પરિણીતા મનીષાબેન ગિરીશ નાયક અને ભુજના ધાણેટી ગામે વાડીમાં રહી ખેતમજૂરી કરનાર ૨૦ વર્ષીય પરિણીતા હેતીબેન અશોક ઠાકોરે ઝેરી દવા પી પોતાની જિંદગી ટુંકાવી હતી. બન્ને પરિણીતાઓએ અગમ્ય કારણોસર ઝેરી દવા પીધી હોવાનું પોલીસમાં જણાવાયું છે. આપઘાતના ચારેય બનાવોની તપાસ પોલીસે શરૂ કરી છે.

(10:34 am IST)
  • આંતરરાષ્ટીય મહિલા દિવસ પર રિલીઝ થશે ડોક્યુમેન્ટરી ફિલ્મ ' વુમેન ઓફ ઓનર " : નેશનલ જિયોગ્રાફિક ચેનલ પર રાત્રે 9 વાગ્યે 'વિમેન ઓફ ઓનર - ડેસ્ટિનેશન આર્મી' ડોક્યુમેન્ટરી ફિલ્મનું પ્રસારણ કરાશે : ફિલ્મ હોટસ્ટાર અને ડિઝની પર પણ જોવા મળશે :આ ફિલ્મ દિલ્હી કેન્ટના એનસીસી ઓડિટોરિયમમાં પ્રેસ અને સેનાના અધિકારીઓની સામે રજૂ કરાઈ હતી જેને ખુબ પસંદ કરવામાં આવી હતી access_time 12:20 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST