Gujarati News

Gujarati News

News of Thursday, 4th January 2018

ડાયાલીસીસના દર્દીઓના લાભાર્થે

મોરબીમાં આયોજીત ભાગવત સપ્તાહમાં રૂ. ૩૫ લાખનું અનુદાન મળ્યું

મોરબી તા. ૪ : મોરબીમાં સેવાભાવી અને સામાજિક સંસ્થાઓના સંયુકત ઉપક્રમે કીડની ડાયાલીસીસ સેન્ટરના લાભાર્થે ભાગવત સપ્તાહનું આયોજન કરવામાં આવ્યું હતું જે સપ્તાહ સફળતાથી પૂર્ણ થઇ છે અને મોરબીમાં દાનની સરવાણી વહેતા ૩૫ લાખની રકમ એકત્ર કરવામાં આવી છે.

સત્કાર્ય સેવા સમિતિ મોરબી, લાયન્સ કલબ ઓફ મોરબી, માતૃભુમી વંદના ટ્રસ્ટ અને બજરંગ ધૂન મંડળ સહિતની સંસ્થાઓ દ્વારા મોરબીમાં કીડની ડાયાલીસીસ સેન્ટરના લાભાર્થે શનાળા રોડ ખાતે શ્રીમદ ભાગવત સપ્તાહનું આયોજન કરવામાં આવ્યું હતું. ગત તા. ૨૭ થી ૦૨ દરમિયાન યોજાયેલી ભાગવત સપ્તાહમાં શાસ્ત્રી નીખીલ જોષીએ કથાનું રસપાન કરાવ્યું હતું તેમજ સપ્તાહ દરમિયાન વિવિધ ધાર્મિક મહોત્સવની ઉજવણી કરવામાં આવી હતી.

મોરબીના દર્દીઓને કીડની ડાયાલીસીસ સેવાઓનો લાભ મળી રહે તેવા શુભ આશયથી ડાયાલીસીસ સેન્ટરના લાભાર્થે યોજાયેલી ભાગવત સપ્તાહમાં ધર્મપ્રેમી જનતાએ પણ ઉદાર હાથે દાન કરીને કાર્યને સફળ બનાવ્યું હતું. મોરબીમાં પાંચ મશીન સાથે ડાયાલીસીસ સેન્ટર શરુ કરવાના ઉદેશ્ય સાથે યોજાયેલી સપ્તાહમાં ૩૫ લાખની રકમ એકત્ર કરવામાં આવી હતી જે ડાયાલીસીસ સેન્ટરના લાભાર્થે વાપરવામાં આવશે. ધાર્મિક મહોત્સવને સફળ બનાવવા લાયન્સ ગવર્નર ચંદ્રકાંતભાઈ દફતરી સહિતના અગ્રણીઓએ જહેમત ઉઠાવી હતી.

(11:24 am IST)
  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST

  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • હાલની પરિસ્થિતિ જોતા ગુજરાત ભાજપના પ્રભારી શ્રી ભુપેન્દ્ર યાદવ બદલાય તેવી સેવાય રહેલી શક્યતા : ભાજપ હાઈકમાન્ડે પ્રભારી બદલવાનું મન બનાવી લીધું હોવાની થઇ રહેલી ચર્ચા : હાલ શ્રી યાદવને કર્ણાટકની ચૂંટણીની જવાબદારી સોંપાઈ છે. access_time 4:21 pm IST