Gujarati News

Gujarati News

News of Thursday, 4th January 2018

માંડવીમાં મુસ્લિમ યુવાનની હત્યા - લાશને ધાબળામાં વીટીને હત્યા કરનારા ફરાર - પ્રેમ પ્રકરણ કારણભૂત હોવાની ચર્ચા

કોલ ડીટેઇલ્સના આધારે પોલીસ તપાસનો ધમધમાટ

ભુજ તા. ૪ : માંડવીમાં ૨૪ વર્ષીય યુનેન યાહયા મહમદ ચાકી નામના યુવાનની ધાબળામાં વીટેલી લાશ મળી આવતા આ ઘટનાએ ચકચાર સર્જી છે.

માંડવીના મચ્છીપીઠ વિસ્તારમાં કમાલશાપીરની દરગાહ પાસેથી ધાબળામાં વીટળાયેલ મળી આવેલ લાશની તપાસમાં મૃતક યુવાન યુનેન ચાકીને હત્યારાઓએ ગાલ, છાતી, કમર ઉપર તીક્ષ્ણ હથિયારના ઘા માર્યા હોવાનું અને ગાળાના ભાગે ૭ ઇંચ જેટલા ઊંડા કાપા મારીને ધડથી માથું અલગ કરવાની નિર્મમ કોશિષ કરી ઠંડા કલેજે હત્યા નીપજાવી હોવાનું જણાઇ રહ્યું છે.

માંડવી પોલીસે કોલ ડીટેઇલ્સના આધારે વધુ તપાસ હાથ ધરી છે. દરમિયાન મૃતક યુવાન યુનેને પોતાના ઘેર ફોન કરીને કહ્યું હતું કે, હું મિત્રને ત્યાં લગ્નમાં જઉં છું એટલે મોડુ વહેલું થશે.

હત્યાના કારણોની વધુ તપાસ હાથ ધરતા પોલીસે મૃતદેહને જામનગર ફોરેન્સીક લેબમાં મોકલ્યો છે. જોકે, માંડવી શહેરમાં થતી ચર્ચા અનુસાર પ્રેમ પ્રકરણ આ હત્યા પાછળ હોવાનું મનાઇ રહ્યું છે. પોલીસે આ દિશામાં પણ તપાસ હાથ ધરી છે.

(11:18 am IST)
  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST

  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST