Gujarati News

Gujarati News

News of Thursday, 3rd December 2020

ભુજ : પાલારા જેલના કાચા કામના કેદીએ ગળે ફાંસો ખાઈ કર્યો આપઘાત

નખત્રાણા તાલુકાના સાંગનારાના ૩૦ વર્ષિય યુવાને આપઘાત કરી લેતા ચકચાર

ભુજ : અહીંની પાલારા ખાસ જેલમાં કાચા કામના કેદી તરીકે રહેલા મૂળ નખત્રાણા તાલુકાના સાંગનારાના ૩૦ વર્ષિય યુવાને આપઘાત કરી લેતા ચકચાર મચી ગઈ છે. આરોપીએ શૌચાલય નં.૧૦માં બારી ઉપર હાથ બનાવટની દોરી બાંધી ગળે ફાંસો ખાઈને આ ફાનિ દુનિયાને અલવિદા કરી હતી.

પ્રાપ્ત વિગતો મુજબ નખત્રાણા પોલીસ મથકે નોંધાયેલા પોક્સોની કલમ હેઠળના ગુનામાં કાચા કામના કેદી તરીકે પાલારા જેલમાં રહેલા નખત્રાણાના સાંગનારા ગામના કાંતિ ઉમરભાઈ કોળીએ આપઘાત કરી લીધો હતો. બનાવ અંગે પાલારા જેલના સુપ્રિન્ટેન્ડેન્ટ ડી.એમ. ગોહિલે આપેલી વિગતો મુજબ આરોપીએ યાર્ડમાં આવેલ બહારની સાઈડના શૌચાલય નં.૧૦માં બારી ઉપર હાથ બનાવટની દોરી બાંધીને તેની ઉપર રૂમાલનો ફાંસો બનાવી ગળે ફાંસો ખાઈ લીધો હતો. દરમ્યાન પાકા કામના કેદી મેહુલભાઈ જગદીશભાઈ નાયક તેમજ મહેશ મૂળજીભાઈ ચૌહાણે તેને જાેઈ જતા તુરંત હતભાગી કેદીને નીચે ઉતારી જેલ હોસ્પિટલ ખાતે ખસેડ્યો હતો. જેલના મેડિકલ ઓફિસર ડૉ. સલીમ લુહાર દ્વારા પ્રાથમિક સારવાર આપી તાત્કાલિક વધુ સારવાર માટે જેલ જાપ્તા હેઠળ જી.કે. જનરલ હોસ્પિટલમાં રિફર કરાયો હતો.
દરમ્યાન જી.કે. હોસ્પિટલમાં હતભાગી કાંતિ કોળીએ દમ તોડ્યો હતો. બનાવને પગલે ભુજ બી ડિવિઝન પોલીસને જાણ કરાતા અકસ્માત મોતનો બનાવ દર્જ કરાયો હતો.

(9:38 pm IST)
  • ખેડૂત આંદોલનના સમર્થનમાં બીજો પુરસ્કાર પરત : પંજાબના પૂર્વ મુખ્યમંત્રી પ્રકાશસિંઘ બાદલે ' પદ્મ વિભૂષણ ' એવોર્ડ પરત કર્યા બાદ હવે રાજ્યસભાના સાંસદ સુખદેવ ઢીંડસાએ ' પદ્મ ભૂષણ ' એવોર્ડ પરત કર્યો : છેલ્લા બે મહિનાથી કૃષિ ધારાનો વિરોધ કરી રહેલા ખેડૂતોનો અવાજ કેન્દ્ર સરકારના બહેરા કાને સંભળાતો નથી access_time 6:15 pm IST

  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST

  • વિશ્વભરમાં બનાવટી કોરોના વેક્સીનના વેચાણનું ષડયંત્ર : ઈન્ટરપોલે વિશ્વભરના દેશોને ચેતવણી આપી છે કે ક્રિમીનલ નેટવર્ક ઈન્ટરનેટ દ્વારા અને બજારોમાં બનાવટી કોરોના વેક્સીનનું વેચાણ કરવા પ્રયાસો કરી રહી છે જેની સામે સૌ સાવધ રહે access_time 4:05 pm IST