Gujarati News

રાજકોટ તા. ૩૧: પોપટપરા સેન્‍ટ્રલ જેલ પાછળ સંતોષી માતાજીના મંદિર પાછળ રહેતાં ઉર્મિલાબેન હરવિજયસિંઘ આઝાદ (ઉ.૬૨) નામના શીખ વૃધ્‍ધાને સાંજે પડોશમાં જ રહેતી જુબીબેન, તેના પતિ હૈદરભાઇ અને પુત્ર ઘેટુએ ઝઘડો કરી ઢીકાપાટુ અને લાકડીનો માર મારતાં સારવાર માટે સિવિલ હોસ્‍પિટલમાં દાખલ થયા છે.

ઉર્મિલાબેનના કહેવા મુજબ પડોશીઓ દ્વારા લાંબા સમયથી નાની-નાની વાતે હેરાન કરવામાં આવે છે અને ઘર ખાલી કરી ભાગી જવાનું કહી ધમકી અપાય છે. ગત સાંજે પણ આ લોકોએ હુમલો કરી ધમકી આપી હતી. પ્ર.નગર પોલીસ મથકમાં હોસ્‍પિટલ ચોકીના સ્‍ટાફે એન્‍ટ્રી નોંધાવી હતી.