Gujarati News

Gujarati News

News of Thursday, 24th September 2020

અમીન માર્ગ પર રિક્ષાની ઠોકરે બાઇક ચડતાં ભીસ્તીવાડના યુવાન દિપક સાગઠીયાનું મોત

કામેથી ઘરે આવતી વખતે કાળ ભેટ્યોઃ માસુમ પુત્રએ પિતાનું છત્ર ગુમાવતાં પરિવારમાં કલ્પાંત

રાજકોટ તા. ૨૪: અમીન માર્ગ પર ઓન્લી પરોઠા નજીક રાત્રીના રિક્ષાની ઠોકરે બાઇક ચડી જતાં બાઇકસ્વાર જામનગર રોડ પર ભીસ્તીવાડમાં રહેતાં દિપકભાઇ પાલાભાઇ સાગઠીયા (વણકર) (ઉ.વ.૩૪)નું ગંભીર ઇજા થતાં મોત નિપજ્યું હતું.

દિપકભાઇને લોહીલુહાણ હાલતમાં સિવિલ હોસ્પિટલમાં ખસેડાયેલ. પરંતુ સારવાર દરમિયાન મોડી રાતે દમ તોડી દેતાં સ્વજનોમાં કલ્પાંત સર્જાયો હતો. હોસ્પિટલ ચોકીના દેવરાજભાઇ નાટડાએ જાણ કરતાં માલવીયાનગર પોલીસે કાર્યવાહી કરી હતી. મૃત્યુ પામનાર દિપકભાઇ ત્રણ ભાઇ અને એક બહેનમાં નાનો હતો અને ડ્રાઇવીંગ કરી ગુજરાન ચલાવતો હતો.

રાત્રે તે કામેથી ઘરે આવી રહ્યો હતો ત્યારે રસ્તામાં અકસ્માત નડ્યો હતો. સંતાનમાં એક પુત્ર છે. પત્નિનું નામ કાજલબેન છે. પોલીસે રિક્ષાચાલક વિરૂધ્ધ ગુનો નોંધવા તજવીજ કરી હતી.

(12:59 pm IST)
  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST

  • બુમ બુમ બુમરાહ :બુમરાહે ગઈકાલે તેની પહેલી ૩ ઓવરમાં ફકત પાંચ રન આપીને રસેલ અને મોર્ગન જેવી મોટી વિકેટ આપી હતી. જો કે તેની ચોથી ઓવરમાં કમીન્સે ચાર સિકસર સાથે ૨૭ રન ઝૂડી કાઢ્યા હતા. access_time 2:51 pm IST

  • દેશમાં કોરોના કેસનો આંકડો 57 લાખને પાર પહોંચ્યો : રાત્રે 10 વાગ્યા સુધીમાં નવા 58 હજારથી વધુ કેસ ઉમેરાયા :નવા કેસ કરતા સ્વસ્થ થનારની સંખ્યામાં સતત વધારો access_time 10:22 pm IST